4 ຄົນ · ປານກາງ · 40 ນາທີ · ₭ ປານກາງ

ບອກໄດ້ເລີຍ ວ່າ ລາບຫມູ ເປັນອາຫານປະຈຳຊາດຂອງຄົນລາວເລີຍ. ເຮັດງ່າຍ ແລະ ແຊບທຸກເທື່ອເລີຍຂໍບອກ. ໃຜບໍ່ເຄີຍລອງແຕ່ງກິນ ກະລອງເບິ່ງເດີ ຕາມນີ້.

ເຄື່ອງປຸງ

• ຊີ້ນໝູບົດສົດ 500 ກຣາມ
• ຕັບໝູສົດ 100 ກຣາມ, ຕົວເລືອກ
• ເກືອ 1 ບ່ວງກາເຟ
• ແປ້ງນົວ ½ ບ່ວງກາເຟ, ຕົວເລືອກ
• ນ້ຳປາ 2 ບ່ວງແກງ
• ນ້ຳໝາກນາວ 4 ບ່ວງແກງ
• ເຂົ້າຂົ້ວ 2 ບ່ວງແກງ
• ຫອມບົ່ວແດງ 5 ໜ່ວຍ, ຊອຍບາງໆ
• ກະທຽມ 5 ກີບ, ຊອຍບາງໆ
• ຖົ່ວຍາວ 5 ອັນ, ຊອຍບາງໆ
• ຫມາກເຜັດດິບແດງ 4 ໜ່ວຍ, ໃສ່ຕາມມັກ
• ຫອມລາບ 2 ບ່ວງແກງ, ເດັດເປັນໃບ
• ຫອມບົ່ວໃບ 3 ບ່ວງແກງ, ຊອຍບາງໆ
• ຫອມເປ 3 ບ່ວງແກງ, ຊອຍບາງໆ
• ຫອມປ້ອມ 3 ບ່ວງແກງ, ຊອຍບາງໆ

ວິທີເຮັດ

ຂັ້ນຕອນ 1. ຄ້າງຫມໍ້ໃສ່ນ້ຳປະມານເຄິ່ງລິດໃຫ້ຟົດ. ໃສ່ເກືອຢິບມືຫນຶ່ງ ແລະຕາມດ້ວຍຕັບ. ຕົ້ມຈົນສຸກ ອອກມາປະໃຫ້ເຢັນ ແລ້ວເອົາມາຊອຍບາງໆ.

ຂັ້ນຕອນ 2. ຂົ້ວຫມູທີ່ຟັກນັ້ນໃສ່ ເກືອເຄິ່ງບ່ວງກາເຟ ໃຫ້ສຸກພໍດີ ແລະ ປະໄວ້ໃຫ້ເຢັນ.

ຂັ້ນຕອນ 3. ປະສົມຊີ້ນຫມູ, ຕັບ, ແລະ ຫມາກຖົ່ວທີ່ກຽມໄວ້ ໃສ່ຊາມ. ຕື່ມນ້ຳປາ, ແປ້ງນົວ, ຫມາກນາວ, ເຂົ້າຂົ້ວ, ຫມາກເຜັດ, ບົ່ວແດງ, ກະທຽມ ແລະຄົນເຂົ້າກັນ ຊີມລົດຊາດໃຫ້ພໍດີ.

ຂັ້ນຕອນ 4. ໃສ່ຫອມທັງຫມົດທີ່ຊອຍລົງໄປ ຄົນເບົາໆ ໃຫ້ເຂົ້າກັນ, ຊີມແລ້ວເສີບ. ແຊບ!!

ເຄັດລັບ: ກ່ອນຊິເສີບຈຶ່ງເອົາຫອມໃສ່ ແລ້ວຄົນຫນ້ອຍຫນຶ່ງ ເພື່ອບໍ່ໃຫ້ຜັກຫອມຊ້ຳ.