4 ຄົນ · ງ່າຍ · 30 ນາທີ · ₭ ປານກາງ

ເຂົ້້າຈີ່ຍັດໄສ້ ແບບນີ້ ເປັນການມາເຈີກັນລະຫວ່າງ ເຂົ້້າຈີ່ຝລັ່ງ ແລະ ຂົ້ວຊີ້ນແບບລາວ. ອັນທີ່ຈິງ ຂົ້້ວຊີ້ນແລ້ວໆ ພັດລືມຫຸງເຂົ້າ. ເລີຍຈັບເຂົ້າຈີ່ມາແທນ ອອກມາເປັນເມນູນີ້ :)

ເຄື່ອງປຸງ

• ເຂົ້າຈີ່ຝລັ່ງ 4 ກ້ອນ, ແບ່ງເປັນ 4ກ້ອນ
• ຊີ້ນງົວຂາລາຍ 300 ກຣາມ, ຊອຍເປັນຕ່ອນບາງ
• ກະທຽມສົດ 3 ກີບ, ສັບລະອຽດ
• ຫອມບົ່ວໃຫຍ່ 1 ຫົວ, ຊອຍບາງໆ
• ຜົງປຸງລົດ 1 ບ່ວງກາເຟ
• ນ້ຳມັນຫອຍ ½ ບ່ວງແກງ
• ສະອິ້ວຂາວ ½ ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ນ້ຳມັນພືດ 2 ບ່ວງແກງ
• ໝາກເລັ່ນ 1 ໜ່ວຍ, ຊອຍບາງ
• ໝາກແຕງ 8 ປ່ຽງ, ຊອຍບາງທາງຍາວ
• ຜັກສະຫລັດ 8 ປ່ຽງ, ຕັດເປັນໃບນ້ອຍໃຫ້ຍັດໃສ່ເຂົ້າຈີ່ໄດ້
• ຫອມປ້ອມ 8 ກ້ານ, ຕັດເຄິ່ງ ຖ້າມັນຍາວໂພດ
• ເບີຈືດ 4 ບ່ວງກາເຟ, ທາໃສ່ບ່ວງລະກ້ອນ
• ມາຢ໋ອງເນສ 4 ບ່ວງກາເຟ, ທາໃສ່ບ່ວງລະກ້ອນ

ວິທີເຮັດ

1. ເອືອບຊີ້ນໃສ່ ຄະນໍ, ນ້ຳມັນຫອຍ, ພິກໄທ, ສະອິ້ວຂາວ ປະໄວ້ 5 ນາທີ

2 ຫລັງຈາກ 5 ນາທີແລ້ວ , ເລີ່ມຈຽວກະທຽມ ແລະ ຫົວບົ່ວໃຫຍ່ ໃສ່ນ້ຳມັນໃຫ້ຫອມ. ເອົາຊີ້ນລົງຂົ້້ວໃຫ້ສຸກປະມານ 5 ນາທີ. ໃຫ້ນ້ຳແຫ້ງ.

3. ເອົາອອກມາພັກໃສ່ຈານໄວ້ໃຫ້ພໍອຸ່ນ

4. ປາດເຂົ້າຈີ່, ທາເນີຍ ແລະ ມາຢອງເນສ, ເອົາໝາກແຕງ, ຫມາກເລັ່ນ, ຜັກສະຫລັດ ໃສ່. ຕາມດ້ວຍ ຊີ້ນຂົ້ວ ແລະ ເອົາຫອມປ້ອມໃສ່ທາງໜ້າ ແລະໂຮຍພິກໄທອີກໜ້ອຍໜຶ່ງ. ກິນໄດ້ເລີຍ :)