2 ຄົນ · ງ່າຍ · 30 ນາທີ · ₭ ຖືກ

ເປັນເມນູທີ່ເຮັດງ່າຍ ປ່ຽນຈາກ ໝີ່ທຳມະດາ ກາຍເປັນ ເມນູທີ່ມີລາຄາ ຂຶ້້ນມາທັນທີ

ເຄື່ອງປຸງ

• ໝີ່ໄວໄວ ລົດຕົ້ນຕຳລັບ 2 ແພັກ, ຕົ້ມປະມານ 1 ນາທີ ແລ້ວ ເຢັ້ນນ້ຳອອກເຄິ່ງຫນຶ່ງ
• ປາໝຶກ 1 ຖ້ວຍນ້ອຍ
• ຫອມບົ່ວໃຫຍ່ 1 ຫົວ
• ກະທຽມສົດ 4 ກີບ, ທຸບພໍແຕກ
• ຜັກບົວລະພາ 1 ຖ້ວຍນ້ອຍ
• ຜົງປຸງລົດ 2 ແພັກ, ເຄືອ່ງປຸງມານຳໝີ່
• ນ້ຳມັນຫອຍ 2 ບ່ວງແກງ
• ສະອິ້ວຂາວ 1 ບ່ວງກາເຟ
• ນ້ຳຕານ 1 ບ່ວງກາເຟ
• ພິກເຜົາ 1 ບ່ວງແກງ
• ນ້ຳມັນພືດ 4 ບ່ວງແກງ

ວິທີເຮັດ

1. ຂົ້້ວກະທຽມໃສ່ນ້ຳມັນໃຫ້ຫອມກ່ອນ.

2. ເອົາປາໝຶກລົງ ແລ້ວຂົ້ວຈົນໃຫ້ນ້ຳແຫ້ງ (ຖ້າເປັນໝຶກແຊ່ແຂງມັນຈະມີນ້ຳຫລາຍ ເວລາຂົ້້ວໃຫ້ຕັກອອກກະໄດ້). ຈາກນັ້ນໃສ່ນ້ຳມັນອີກເທື່ອຫນຶ່ງ.

3. ໃສ່ເສັ້ນໝີ່ລວກແລ້ວ+ຫົວບົ່ວໃຫຍ່+ຕາມດ້ວຍເຄື່ອງປຸງທີ່ມານຳໝີ່+ ນ້ຳມັນຫອຍ+ສະອິ້ວຂາວ+ນ້ຳຕານ+ພິກເຜົາ. ຂົ້ວໃຫ້ເຂົ້າກັນໄວໆ ໄຟແຮງ ແລ້ວຊີມລົດຊາດຕາມໃຈມັກ. ຈາກນັ້ນໃສ່ ບົວລະພາ ແລ້ວ ປິດໄຟ. ກຽມແຊບໄດ້.