2 ຄົນ · ງ່າຍ · 30 ນາທີ · ₭ ຖືກ

ຂົ້ວເຕົາຮູ້ ແມ່ນ ເມນູປະຈຳຂອງຫລາຍໆຄອບຄົວເລີຍກະວ່າໄດ້. ມາເບິ່ງຂັ້ນຕອນການເຮັດເລີຍ:

ເຄື່ອງປຸງ

• ເຕົາຮູ້ທອດເປັນຕ່ອນ 3 ຕ່ອນ, ປະມານ 2 ຂີດ
• ເຫັດຫອມ 6 ດອກ, ຖ້າໃຊ້ເຫັດຫອມແຫ້ງ ໃຫ້ແຊ່ນ້ຳກ່ອນ ຈັ່ງເອົາມາຊອຍ
• ເຜັດຂຽວໃຫຍ່ 1 ໜ່ວຍ, ຊອຍຕ່ອນບາງຍາວ
• ໝາກເລັ່ນ 3 ໜ່ວຍ, ຊອຍເປັນຕ່ອນລູກເຕົານ້ອຍ
• ຫອມບົ່ວໃບຊອຍ 2 ບ່ວງແກງ
• ຫອມປ້ອມຊອຍ 2 ບ່ວງແກງ
• ເຜັດດິບ 4 ໜ່ວຍ, ຊອຍສະຫລຽງຕ່ອນນ້ອຍ
• ນ້ຳມັນຫອຍ 2 ບ່ວງແກງ
• ສະອິ້ວຂາວ 1 ບ່ວງແກງ
• ເກືອ 1 ຢິບມື
• ນ້ຳຕານ 1.5 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ນ້ຳມັນພືດ 2 ບ່ວງແກງ

ວິທີເຮັດ

1. ຊື້້ເຕົາຮູ້ຫວຽດທີ່ທອດແລ້ວ ຢູ່ຕະຫລາດ, ມາທອດອີກ ຫລື ເຕົາຮູ້ສົດທອດເອງກະໄດ້, ຊອຍເປັນຕ່ອນພໍດີຄຳກ່ອນ ແລ້ວຈຶ່ງ ລົງ ທອດໃນນ້ຳມັນໃຫ້ ເຫລືອງງາມ ແລ້ວ ເອົາອອກປະໄວ້ ຈານ.

2. ໃຊ້ກະທະອີກອັນຫນຶ່ງ ໃສ່ນ້ຳມັນ ຈຽວກະທຽມ+ຫອມບົ່ວ+ໝາກເຜັດດິບ. ຂົ້ວໃຫ້ເຫລືອງຫອມ.

3. ເອົາເຫັດຫອມ+ໝາກເຜັດໃຫຍ່ລົງ, ປຸງລົດດ້ວຍ ເກືອ+ນ້ຳຕານ+ສະອິ້ວຂາວ+ນ້ຳມັນຫອຍ ແລະ ໝາກເລັ່ນ. ຂົ້ວໃຫ້ເຂົ້າກັນປະມານ 5 ນາທີ ແລ້ວຊີມລົດຊາດຕາມໃຈມັກ. ຈາກນັ້ນໃສ່ເຕົາຮູ້+ຫອມບົ່ວໃບ+ຫອມປ້ອມຊອຍ ແລ້ວຄົນໃຫ້ເຂົ້າກັນດີ. ຕັກເສີບ, ກຽມແຊບໄດ້ທັນທີ.