4 ຄົນ · ປານກາງ · 50 ນາທີ · ₭ ປານກາງ

ໃຜຢາກລອງ ເມນູ ໄກ່ ແບບບໍ່ຊ້ຳຊາກ, ເຮັດແບບນີ້ເລີຍ ເຄື່ອງປຸງ ເຄື່ອງເທດ ອອກທາງຝລັ່ງແດ່ ແຕ່ ຈະມີກິ່ນສະອິ້ວ. ລົດຊາດອອກມາຖືວ່າແຊບ. ລອງໄປເຮັດເບິ່ງເດີ. ບໍ່ໄດ້ຍາກ.

ເຄື່ອງປຸງ

• ຂາໂຕ້ໄກ່ ຕິດຫນັງ 2 ຕ່ອນ
• ໝາກຊູກິນີ 1 ໜ່ວຍ, ຕັດເຄິ່ງແລະ ຊອຍທາງຍາວ
• ໝາກເຂືອຫຳມ້າ 1 ໜ່ວຍ, ຕັດເຄິ່ງແລະ ຊອຍທາງຍາວ
• ເຜັດຂຽວໃຫຍ່ 1 ໜ່ວຍ, ຕັດເຄິ່ງແລະ ຊອຍທາງຍາວ
• ໝາກນາວເຫລືອງ 1 ໜ່ວຍ, #ຂູດເອົາເປືອກມັນໄວ້ ແລະ ບີບເອົານ້ຳມັນໄວ້ໃສ່ ຕອນເອືອບໄກ່
• ຜົງໝາກເຜັດແດງໃຫຍ່ 1 ບ່ວງແກງ
• ກະທຽມສົດ 4 ກີບ, ສັບລະອຽດ
• ໂຣສແມຣີ່ 1 ບ່ວງກາເຟ
• ໄທມແຫ້ງ 1 ບ່ວງກາເຟ
• ເບີເຄັມ 4 ບ່ວງແກງ
• ສະອິ້ວຂາວ 2 ບ່ວງກາເຟ
• ເກືອ 1 ຢິບມື

ວິທີເຮັດ

1. ໃຊ້ມີດ ຫັ່ນແລະ ດຶງ ເອົາກະດູກອອກຈາກ ຊີ້ນໄກ່ ແຕ່ຍັງໃຫ້ຊີ້ນເປັນແຜ່ນຕິດຫນັງຢູ່.

2. ເອືອບຂາໂຕ້ໄກ່ ກັບຫມາກເຜັດຜົງ+ກະທຽມສັບ+ເປືອກເລມ້ອນ+ຊີອິ້ວຂາວ+ນຳ້ເລມ້ອນ+ເກືອຢິບມື1. ເອືອບໄວ້15-30ນາທີ

3. ເອົາຊູກິນີ້ +ຫມາກເຂືອ +ຫມາກເຜັດ ໄປດາດໃຫ້ພໍສຸກອ່ອນ ເພື່ອຈະໃສ່ເຮັດເປັນໄສ້ພັນໂຣລ.

ແລ້ວເອົາຜັກທີ່ດາດແລ້ວ ມາເຮັດເປັນໄສ້, ມ້ວນເອົາເຊືອກມັດໄວ້

4. ເອົາໄປທອດ ໃສ່ນ້ຳມັນເບີ ໃຫ້ຫນັງເຫລືອງງາມ.

5. ຈາກນັ້ນ ເອົາໄປອົບ ໃນອຸນຫະພູມ 180 ອົງສາ. ປະມານ 15-20 ນາທີ ແລ້ວ ໝັ່ນເອົານຳ້ມັນ ທີ່ເຮົາທອດໄກ່ໃນກະທະນັ້ນ ລາດໃສ່ເທິງໄກ່ ຕອນອົບຢູ່. ເຊີນແຊບໄດ້ເລີຍ!