4 ຄົນ · ປານກາງ · 50 ນາທີ · ₭ ປານກາງ

ຫົົວປາແຊວມ່ອນ ເຮັດຫຍັງກິນດີ? ຖ້າຄິດບໍ່ອອກໃຫ້ມານີ້: ເມນູນີ້ ຢາກບອກວ່າແຊບຫລາຍ ແລະ ໄດ້ລົດຊາດ ປາ ແລະ ເຄື່ອງເທດ ເຕັມຄຳ, ຍິ່ງກິນກັບເຂົ້າຈ້າວຮ້ອນໆ ແຮ່ງແຊບໄປຕື່ມ. ສຸກໃຈທັງຜູ້ແຕ່ງ ແລະ ຜູ້ກິນ ເຊື່ອໂລດ :)

ເຄື່ອງປຸງ

• ຫົວປາແຊວມ່ອນ 2 ຫົວ, ຫົວຫນຶ່ງໃຫ້ຜ່າເຄິ່ງ
• ນ້ຳມັນພືດ ½ ຖ້ວຍນ້ອຍ
• ຂີງສົດ 6 ປ່ຽງ
• ຫອມບົ່ວໃບ 5 ກ້ານ
• ຫອມບົ່ວໃບ 2 ກ້ານ, ໄວ້ໂຮຍໜ້າ ກ່ອນເສີບ
• ໝາກເຜັດແດງໜ່ວຍກາງ (ແບບເຜັດໜ້ອຍ) 1 ໜ່ວຍ, ໃຊ້ໝາກເຜັດອື່ນ ກະໄດ້.
• ເຫັດຫອມ 8 ດອກ, ໃຊ້ເຫັດສົດຫລື ເຫັດຫອມແຫ້ງກະໄດ້ ແຕ່ຕ້ອງແຊ່ນ້ຳກ່ອນ
• ຕົ້ນກະທຽມຫອມ(ໃຫຍ່) 2 ກ້ານ
• ຫົວຜັກກາດຂາວ ½ ຫົວ, ລ້າງແລະ ຕັດເປັນຕ່ອນແກງ
• ກາລົດ 1 ຫົວ, ລ້າງແລະ ຕັດເປັນຕ່ອນແກງ
• ນ້ຳ 1.5 ລິດ
• ສະອິ້ວຍີ່ປຸ່ນ 1 ຖ້ວຍນ້ອຍ
• ເຫລົ້າມິຣິນຍີ່ປຸ່ນ 3 ບ່ວງແກງ
• ເກືອ 1 ບ່ວງກາເຟ
• ນ້ຳຕານແດງ 3 ບ່ວງແກງ
• ສະອິ້ວດຳ 4 ບ່ວງແກງ
• ນ້ຳເຜິ້ງ 3 ບ່ວງແກງ

ວິທີເຮັດ

1. ໃຊ້ໝໍ້ອົບໜາ, ເອົານ້ຳມັນໃສ່ ເປີດໄຟກາງ ຂົ້້ວ ຂີງຊອຍ+ຕົ້ນຫອມ+ ໝາກເຜັດ ຂົ້ວຈົນໃຫ້ມັນເກືອບໄຫມ້.

2. ໃສ່ນ້ຳລົງໄປ 1 ລິດ ຕາມດ້ວຍປາ (ໃສ່ນ້ຳໃຫ້ພໍຖ້ວມປາ). ຕົ້ມໄປປະມານ 5 ນາທີ ແລະ ໃຫ້ໝັ່ນຕັກ ຟອດທີ່ລອຍຂຶ້້ນມາ ອອກ.

3. ໃສ່ ຫົວກາດຂາວ+ ກາລົດ+ສະອິ້ວຍີ່ປຸ່ນ + ມິຣິນ + ເກືອ + ນ້ຳຕານຊາຍແດງ + ສະອິ້ວດຳ + ນ້ຳເຜິ້ງ ແລ້ວ ຄ່ອຍໆຄົນໃຫ້ເຂົ້າກັນ. ຕົ້ມປະມານ 10 ນາທີ.

4. ໃສ່ຕົ້ນກະທຽມຫອມໃຫຍ່ +ເຫັດຫອມ ລົງໄປ. ຕົ້້ມຕໍ່ອີກ ປະມານ 5 ນາທີ.

5. ພໍປາສຸກ ເອົາປາ ອອກມາໃສ່ຈານ ກ່ອນ ແລ້ວ ຂ້ຽວນ້ຳໃຫ້ແຫ້ງລົງ ປະມານ 10 ນາທີ (ໝັ່ນຕັກ ຟອດມັນອອກ). ຊີມລົດຊາດ ແລະ ຕັກນ້ຳໃສ່ ຈານຫົວປາເຊວມ໋ອນ, ໂຮຍຫນ້າດ້ວຍບົ່ວໃບ ແລ້ວ ເສີບໄດ້. ກິນກັບເຂົ້າຈ້າວ ແຊບ !