1 ຄົນ · ງ່າຍ · 30 ນາທີ · ₭ ຖືກ

ເຂົ້າລາດຫນ້າ ຜັດຜັກລວມມິດ ໄຂ່ດາວ ເປັນເມນູ ດ່ວນໆ ງ່າຍໆ ທີ່ໃຜກະເຮັດກິນໄດ້. ໃຜບໍ່ເຄີຍ ກະມາລອງສູດນີ້ເບິ່ງ.

ເຄື່ອງປຸງ

• ເຂົ້າຈ້າວຫຸງ 1 ຖ້ວຍນ້ອຍ
• ໄຂ່ດາວ 1 ໜ່ວຍ
• ຜັກລວມມິດ 200 ກຣາມ, (ມີ ເຫັດ,ຜັກກາດຂາວ,ຜັກກາດດອກ,ຫົວກາລົດ,ຫົວຜັກບົວໃຫຍ່,ຜັກກາດນາ..ໃສ່ຜັກຫຍັງຕື່ມ ກໍ່ໄດ້ຕາມມັກ ແນວລະຕົ້ນ)
• ຊີ້ນໝູສົດ 100 ກຣາມ, (ສາມາດໃສ່ຊີ້ນງົວ,ຊີ້ນໄກ່ ຫລືເຄື່ອງທະເລໄດ້)
• ຫມາກເຜັດດິບແດງ 2 ໜ່ວຍ, ຊອຍຫລືຕັດເຄິ່ງ
• ກະທຽມ 6 ກີບ, ທຸບພໍແຕກ
• ຜົງປຸງລົດ 1 ບ່ວງກາເຟ
• ນ້ຳມັນຫອຍ 1 ບ່ວງແກງ
• ສະອິ້ວຂາວ ½ ບ່ວງກາເຟ
• ນ້ຳມັນພືດ 2 ບ່ວງແກງ

ວິທີເຮັດ

1. ເອົານ້ຳມັນ ໃສ່ຫມໍ້ກະທະ ຈາກນັ້ນໃສ່ກະທຽມທຸບ ພໍກະທຽມເຫລືຶອງຫອມ ກໍ່ເອົາຫມາກເຜັດ,ຊີ້ນຫມູ,ຄະນໍ ລົງຂົ້ວ ຈົນຫມູສຸກ

2. ເອົາຜັກຕ່າງໆລົງ ໃສ່ນ້ຳມັນຫອຍ+ຊີອິ້ວຂາວລົງໃສ່ ຜັດຈົນຜັກສຸກ ແລ້ວປິດໄຟ ຊິມ ແລະ ປຸງລົດຊາດເພີ່ມໄດ້.

3. ເອົາ ເຂົ້າຈ້າວໃສ່ຈານ ເອົາໄຂ່ດາວ ຢອງໃສ່ເຂົ້າ (ຊອຍຫມາກແຕງໃສ່ທາງຂ້າງສອງປ່ຽງ ເພື່ອຄວາມສວຍງາມ) ເອົາຜັດຜັກໃສ່ທາງຂ້າງ.