4 ຄົນ · ປານກາງ · 150 ນາທີ · ₭ ປານກາງ

ອົບງົວ ກະແມ່ນ ເມນູ ໜຶ່ງທີ່ຢູ່ຄູ່ ບ້ານຄູ່ເມືອງລາວ ມາຕັ້ງດົນ. ເຊື່ອວ່າ ຫລາຍຄົນເຄີຍກິນ ແຕ່ຖ້າໃຜ ບໍ່ເຄີຍກິນ ຫລື ບໍ່ຮູ້ຊິໄປກິນຢູ່ໃສຕອນນີ້. ຊື້້ເຄື່ອງ ມາເຮັດກິນເອງໂລດ.

ເຄື່ອງປຸງ

• ຊີ້ນງົວ 1 ກິໂລ
• ມັນຝລັ່ງ 4 ໜ່ວຍ, ຜ່າຫົກປ່ຽງ
• ກາລົດ 4 ຫົວ, ປອກແລະຕັດເປັນຕ່ອນປະມານ 2 ເຊັນ
• ຂ່າ 5 ປ່ຽງ
• ຫົວສີໄຄ 4 ກ້ານ
• ກະທຽມ 6 ກີບ
• ຫອມບົ່ວແດງ 4 ຫົວ
• ໃບຂີ້ຫູດ 4 ໃບ
• ສະອິ້ວຂາວ 2 ບ່ວງແກງ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ຄະນໍກ້ອນລົດງົວ 1 ກ້ອນ
• ພິກໄທດຳປົ່ນ 1 ບ່ວງກາເຟ
• ເກືອ 1 ບ່ວງແກງ
• ນ້ຳຕານ 1 ບ່ວງແກງ
• ເຫລົ້າວິສກີ້ 1 ຈອກນ້ອຍ
• ນ້ຳ 1 ລິດ

ວິທີເຮັດ

ຂັ້ນຕອນ 1: ປອກກະທຽມ, ຫົວບົ່ວແດງ, ແລະ ແກະເປືອກ ແຂງຫົວສີໄຄອອກ ແລະຊອຍເອົາແຕ່ອັນອ່ອນທາງໃນ. ແລ້ວ ໄປຕຳຫລືບົດໃຫ້ມຸ່ນເຂົ້າກັນ ໃສ່ເກືອຫນ້ອຍຫນຶ່ງ.

ຂັັ້ນຕອນ2: ຊອຍຊີ້ນເປັນລູກເຕົາໃຫຍ່ປະມານສອງນິ້ວມື

ຂັ້ນຕອນ 3: ປະສົມຊີ້ນແລະ ເຄື່ອງທີ່ຕຳໃຫ້ເຂົ້າກັນ ຕາມດ້ວຍໃບຂີ້ຫູດ, ຂ່າ, ແລະ ພິກໄທ ແລ້ວນຳໄປລົງຫມໍ້ອົບ ເປີດໄຟກາງ ຂົ້ວໃຫ້ຫອມເຫລືອງ.

ຂັ້ນຕອນ 4: ໃສ່ເຫລົ້າລົງ ແລະຂົ້ວຕໍ່ພໍໃຫ້ຫອມ, ຈາກນັ້ນຕື່ມນ້ຳ, ຄະນໍ, ນ້ຳຕານ, ສະອິ້ວຂາວ ຄົນໃຫ້ເຂົ້າກັນ ແລະ ປິດຝາຫມໍ້ໄວ້ ຕຸນໄຟອ່ອນ ປະມານ 1 ຊົ່ວໂມງ ຫລືຫລາຍກວ່ານັ້ນຈົນຊີ້ນນຸ່ມດີ. ເວລາຕຸນໃຫ້ຫມັ່ນຄົນ ຕື່ມນ້ຳເທື່ອລະຫນ້ອຍ ເພື່ອບໍ່ໃຫ້ໄຫມ້ຫມໍ້.

ຂັ້ນຕອນ5: ຫລັງຈາກຊີ້ນເປື່ອຍ ໃຫ້ເອົາ ມັນຝລັ່ງ ແລະ ກາລົດລົງໄປ, ເພີ່ມໄຟປານກາງ ຕົ້ມຈົນສຸກ ແລະ ໃຫ້ນ້ຳອົບແຫ້ງຫນ້ອຍຫນຶ່ງ. ຊີມລົດຊາດ ແລະເສີບ ກັບເຂົ້າຈ້າວ ຫລື ຫນຽວກະ ແຊບ!!!

ເຄັດລັບ: ໃຊ້ຊີ້ນ ແບ້ ຫລື ແກະ ກະແຊບຄືກັນ.