3 ຄົນ · ງ່າຍ · 15 ນາທີ · ₭ ປານກາງ

ເຜັດຈົນ.....ສັ່ນ !! ກິນໄດ້ກະກິນ ກິນບໍ່ໄດ້ ກະເທໃຫ້ໄກ່ ຮາຮາຮາ. ຄຳເຕືອນ: ຄໍອ່ອນຫ້າມລອງ ອັນຕະລາຍເຖິງກະເພາະ!

ວິດິໂອ

ເຄື່ອງປຸງ

• ໝາກຫຸ່ງດິບ 1 ໜ່ວຍ
• ເຜັດດິບ 100 ໜ່ວຍ
• ກະທຽມ 5 ກີບ
• ກະປິ 1 ບ່ວງແກງ
• ແປ້ງນົວ 1 ບ່ວງແກງ
• ນ້ຳຕານປີ໊ບ 1 ບ່ວງແກງ
• ນ້ຳຕານແດງ 2 ບ່ວງແກງ
• ໝາກນາວ 2 ໜ່ວຍ
• ນ້ຳປາ 3 ບ່ວງແກງ
• ຫມາກເລັ່ນນ້ອຍ 3 ກຳມື
• ປາແດກ 4 ບ່ວງແກງ
• ໃບກະທຽມ 1 ກຳມື
• ຜັກກະລ່ຳປີ 1 ອັນ, ຜັກໄວ້ກັບ

ວິທີເຮັດ

1. ປອກໝາກຫຸ່ງ, ຟັກ ແລະຊອຍເປັນເສັ້ນ.

2. ເອົາຄົກມາ, ຖອກໝາກເຜັດລົງ ລ້ອຍໜ່ວຍ! ຕາມດ້ວຍ ກະທຽມ, ກະປິ, ແປ້ງນົວ, ນ້ຳຕານປີ໊ບ, ນ້ຳຕານຊາຍແດງ. ຕຳໃຫ້ແຫລກ.

3. ບີບໝາກນາວລົງ, ນ້ຳປາ, ໝາກເລັ່ນນ້ອຍ. ຕຳໃຫ້ເຂົ້າກັນ.

4. ໃສ່ປາແດກ, ໝາກຫຸ່ງລົງໄປ, ໃສ່ໃບກະທຽມນຳ ຈຶ່ງແຊບ. ຕຳໆ ໆ ໃຫ້ເຂົ້າກັນດີ.

5. ຊີມລົດຊາດຕາມໃຈມັກ, ແລ້ວກະເທ ລົງຖາດ ຕາມດ້ວຍຜັກກັບ. ເອີ້ນໝູ່ມາ ຕຽມຊັດໄດ້ເລີຍ. ເຜັດຈົນ ຫູ ອອກຄວັນ ຊິກິນໄດ້ ບໍ່ທໍ່ນັ້ນລະ :)