ເຂົ້າຈີ່ປາເຕ້ ແມ່ນອາຫານຂ້າງທາງຍອດຮິດ ສ່ວນຫລາຍກິນຍາມເຊົ້າ ແລະ ຫາກິນໄດ້ງ່າຍ ໃນ ລາວ ແລະ ຫວຽດ. ແຕ່ລະບ່ອນ ກະປັບສູດຕາມທ້ອງຖິ່ນໃຜມັນ. ແຕ່ຫລັກໆ ແລ້ວ ກະມີຢູ່ ສ່ຳນີ້ ກະແຊບແຮງແລ້ວ :-) ສ່ວນປະສົມ ແຕ່ລະອັນ ເຮັດເອງ ກະໄດ້ ຫລື ບໍ່ຊັ້ນກະຊອກຊື້ ສຳເລັດ ມາເລີຍ.ມາເບິ່ງວ່າມີຫຍັງແດ່.
1. ຊອຍຫມູແດງແລະ ຢໍ່ບາງໆ ພໍຄຳ.
2. ອຸ່ນເຂົ້າຈີ່ ພໍໃຫ້ມັນກອບ ແລ້ວປາດ.
3. ເອົາປາເຕ້ທາໃສ່ກ່ອນ, ຕາມດ້ວຍຫມູແດງ,ເຄື່ອງດອງ ຍັດເຂົ້າໄປ , ແລະ ຢໍ່ຫມູ. ແລ້ວເອົາຜັກຫອມປ້ອມ ແລະຫມູຝອຍ ອັດທ້າຍ.
ພິເສດ.ໃຜມັກ ມາຢອງເນສ, ຊ໊ອສຫມາກເຜັດ ຫລືສະອິ້ວກໍ່ໃສ່ເພີ່ມໄດ້.