4 ຄົນ · ງ່າຍ · 40 ນາທີ · ₭ ຖືກ

ເປັນອາຫານລົດຫຸ່ນທີ່ຢາກນຳສະເໜີ.​ ບໍ່ຈືດ ແລະບໍ່ຫນ້າເບື່ອ ແຖມມີປະໂຫຍດແບບນີ້ ໄປເຮັດກິນເລີຍ.​

ວິດິໂອ

ເຄື່ອງປຸງ

• ເອິກໄກ່ 500 ກຣາມ
• ໝາກນາວເຫລືອງ 3 ໜ່ວຍ, ສອງຫນ່ວຍບີບເອົານ້ຳ,​ຫນ່ວຍຫນຶ່ງ ຫັ່ນເປັນວົງມົນ
• ເຫັດໂຄນຍີ່ປຸ່ນ(ນ້ຳຕານ) 1 ແພັກ, ເອົາເຫັດຫຍັງກະໄດ້ຕາມໃຈມັກ
• ມັນຝລັ່ງ 2 ໜ່ວຍ, ປອກ​ແລະຕັດເປັນຕ່ອນ
• ຫອມບົ່ວໃຫຍ່ 2 ຫົວ, ຊອຍບາງໆ
• ນ້ຳມັນພືດ 2 ບ່ວງແກງ
• ເກືອ 2 ຢິບມື
• ພິກໄທດຳປົ່ນ 1 ຢິບມື
• ຜົງປຸງລົດ 1 ຢິບມື

ວິທີເຮັດ

1. ຂົ້ວຜັກບົ່ວໃສ່ນ້ຳມັນໃຫ້ເຫລືອງຫອມ

2. ເອົາຫມາກນາວບີບໃສ່ຊີ້ນໄກ່ໃຫ້ທົ່ວຢູ່ຈານ​ກ່ອນ

3. ເອົາໄກ່ລົງ ຫມໍ້, ປຸງລົດດ້ວຍ ເກືອ,​ພິກໄທ​ແລະ​ຜົງຄະນໍ (ຖ້າມັກ)​

4. ຮວດ ນ້ຳຫມາກນາວລົງໃນຫມໍ້

5. ເອົາເປືອກຫມາກນາວ ຢອງໃສ່ຕ່ອນໄກ່​

6. ເອົາ​ເຫັດ​ແລະ​ມັນຝລັ່ງລົງ

7. ​ອ່ອນໄຟ ແລ້ວ​ປິດໄວ້ 30ນາທີ. ເປັນອັນວ່າພ້ອມເສີບ.​