4 ຄົນ · ງ່າຍ · 55 ນາທີ · ₭ ຖືກ

ມື້ນີ້ ເຮັດປາອົບເບຍ. ລົດຊາດ ອອກມາກົມກ່ອມແຊບເລີຍນີ້ລະ. ເລີຍຢາກ ມາບອກສູດ ໃຫ້ເຮັດນຳກັນເບິ່ງ ເພື່ອ ຊິໄດ້ແຊບ ນຳກັນ ເນາະ :)

ເຄື່ອງປຸງ

• ປາ ແມັກຄາເຣວ 500 ກຣາມ, ຕັດເປັນຕ່ອນ ປະມານ 3 ນິ້ວ
• ເບຍ 1 ແກ້ວ, ເບຍຫຍັງກະໄດ້, ເອົາແກ້ວນ້ອຍ ພໍດີໃຫ້ຖ້ວມປາ
• ໝາກນັດ 1 ໜ່ວຍ, ປອກເປືອກ ແລະ ຕັດເປັນຕ່ອນ ໃຫ້ໄດ້ປະມານ ສ່ຳຖ້ວຍນ້ອຍກະພໍ
• ໝາກເລັ່ນ 2 ໜ່ວຍ, ຕັດເປັນຕ່ອນ
• ຫອມບົ່ວແດງ 2 ຫົວ, ຊອຍບາງ
• ຫອມບົ່ວໃບ 4 ກ້ານ, ຕັດເປັນຕ່ອນ
• ເຜັດດິບ 2 ໜ່ວຍ, ຊອຍຜ່າເຄິງ
• ເກືອ 1.5 ບ່ວງກາເຟ
• ນ້ຳປາ 1 ບ່ວງກາເຟ
• ນ້ຳຕານ ½ ບ່ວງກາເຟ
• ນ້ຳມັນພືດ 2 ບ່ວງແກງ

ວິທີເຮັດ

1. ຂົ້ວ​ຫອມບົ່ວ ແດງ.​ ບົ່ວໃບໃສ່ ຫມາກເຜັດໃສ່​ນ້ຳມັນ​ ໃຫ້ເຫລືອງຫອມ ໃນໝໍ້ທີ່ຈະອົບເລີຍ. ​

2. ເອົາປາລົງ ຈັດໃຫ້ລຽງກັນ

3. ໃສ່ໝາກນັດ ແລະ ໝາກເລັ່ນ, ແລະເອົາ​ເຄື່ອງປຸງລົງ. (ຫ້າມຄົນ)

4. ຖອກເບຍໃສ່.​ ປິດຝາ ອົບໄວ້ 30ນາທີ

5. ຊີມລົດຕາມໃຈ ແລ້ວ ກຽມ​ເສີບ.