1 ໂຫຼ · ປານກາງ · 30 ນາທີ · ₭ ປານກາງ

ເບິ່ງດີໆ ສູດນີ້ ງ່າຍໆ ແຕ່ແຊບ. ສ່ວນ ເຂົ້າຈີ່ນັ້ນ. ໄປຊື້ ສຳເລັດ ຢູ່ຮ້ານເລີຍ ກະໄດ້ ເພາະປະຢັດ ເວລາດີ. ສູດມາຈາກ IG nuocmamafoods, FB Vietnamese Soul Food

ເຄື່ອງປຸງ

• ເຂົ້າຈີ່ກ້ອນ 12 ກ້ອນ, ເຂົ້າຈີ່ກ້ອນນ້ອຍ ມົນໆ ຈາກຮ້ານ

ໄສ້ທາງໃນ

• ຄຣີມຊີສ 450 ກຣາມ, ອຸນນະພູມຫ້ອງ
• ນ້ຳຕານ 50 ກຣາມ
• ຄີມສົດ 150 ກຣາມ
• ນ້ຳໝາກນາວ 1 ບ່ວງກາເຟ, ຫລື ຄຣີມແບບເຂັ້ມຂຸ້ນ

ກຽມຊ໊ອສກະທຽມໄວ້ຈຸ່ມ

• ເບີເຄັມ 200 ກຣາມ
• ກະທຽມສົດ ½ ຄັບ, ສັບມຸ່ນ
• ພາສລີ້ 2 ບ່ວງແກງ, ເອົາແບບແຫ້ງ
• ນົມຂຸ້ນຫວານ 2 ບ່ວງແກງ
• ນ້ຳເຜິ້ງ 2 ບ່ວງແກງ
• ໄຂ່ໄກ່ 1 ໜ່ວຍ

ວິທີເຮັດ

1. ຕັ້ງເຕົາອົບທີ່ 200° ອົງສາເຊວ ຫລື or 400 ຟາເຣັນໄຮ.

2. ກຽມເຂົ້າຈີ່: ຜ່າເຂົ້້າຈີ່ ເປັນຊີກ ແຕ່ບໍ່ໃຫ້ຂາດ ຈຳນວນຕາມຕ້ອງການ.

3. ກຽມໄສ້: ປະສົມເຄື່ອງປຸງທຸກຢ່າງໃຫ້ເຂົ້າກັນ ແລະ ຄັ້ນໃຫ້ຈົນໄດ້ເນື້ອລະອຽດດີ. ສາມາດໃຊ້ເຄື່ອງຕີປະສົມກະໄດ້ ຕັ້ງໃສ່ເບີ້ຕ່ຳ (1-2 ນາທີ). ຈາກນັ້ນເອົາຄຣີມທີ່ຕີແລ້ວນັ້ນໃສ່ ບ່ວງ ຫລື ຖົງຢາງ ເຈາະຮູ ແລ້ວບີບໃສ່ໃນ ເຂົ້າຈີ່ ທີ່ຜ່າໄວ້. ປະໄວ້.

4. ກຽມ ຊ໊ອສກະທຽມ: ລະລາຍເບີ ແລ້ວ ເອົາເຄື່ອງປະສົມທຸກຢ່າງໃສ່ລົງເຄື່ອງຕີ.

5. ລວມສ່ວນປະກອບເຂົ້າກັນ: ປູເຈ້ຍມັນ(ສຳລັບໃຊ້ກັບເຕົາອົບ)ລົງໃນພາສະນະ ເປັນຖາດ ທີ່ຈະເຂົ້າເຕົາອົບ. ເອົາເຂົ້້າຈີ່ ຈຸ່ມລົງໃນ ຊ໊ອສກະທຽມ ໃຫ້ທົ່ວກ້ອນ. ເຮັດແບບນີ້ທຸກກ້ອນ ແລ້ວນຳໄປອົບ 10-12 ນາທີ (ຕັ້້ງຄ່າໂໝດເປີດພັດລົມໃນເຕົາອົບພ້ອມ).

6. ເອົາອອກມາ ພ້ອມເສີບ, ແຊບ!