4 ຄົນ · ປານກາງ · 30 ນາທີ · ₭ ແພງ

ຢູ່ເຮືອນ ບໍ່ມີໃຜມັກ ກຸ້ງລ໋ອບສະເຕີ້ເລີຍ. ໃຜສົນໃຈມາກິນນຳກັນແດ່? ໝີ່ກອບ ລາດ ກຸ້ງລ໋ອບສະເຕີ້.

ສູດຈາກ IG nuocmamafoods, FB Vietnamese Soul Food

ເຄື່ອງປຸງ

• ຜັກລວມມິດ 100 ກຣາມ
• ກຸ້ງລ໊ອບສເຕີ້ 6 ຕ່ອນ
• ໝີ່ເຫລືອງແຫ້ງ 100 ກຣາມ, ໝີ່ແຫ້ງ ທີ່ຂາຍເປັນຖົງ
• ກະທຽມສົດ 6 ກີບ, ສັບມຸ່ນ
• ຂີງສົດ 1 ບ່ວງແກງ, ສັບມຸ່ນ
• ນ້ຳມັນ ½ ຕຸກ
• ນ້ຳຊຸບໄກ່​ ສຳເລັດຮູບ 1 ປ໋ອງ
• ເກືອ ½ ບ່ວງກາເຟ
• ນ້ຳຕານ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ນ້ຳມັນຫອຍ 1 ບ່ວງແກງ
• ຜົງປຸງລົດໄກ່ 1 ບ່ວງກາເຟ
• ແປ້ງສາລີ 2 ບ່ວງແກງ, ປະສົມນ້ຳເຢັນ 60ມິນລີລິດ

ວິທີເຮັດ

1. ລວກຜັກ ປະມານ 1-2 ນາທີ. ແລ້ວ ລ້າງນ້ຳເຢັນ. ປະໄວ້ໃນຖ້ວຍ.

2. ເອົາກຸ້ງລ໋ອບສະເຕີ້ ເກືອກລົງແປ້ງສາລີ ກ່ອນ ໄປຈືນໃສ່ນ້ຳມັນຮ້ອນ. ຫ້າມຈືນສຸກຫລາຍ

3. ເອົາເສັ້ນໝີ່ ມາ ຖຸ່ງໆ ແຍກໆ. ປະໄວ້

4. ຕັ້ງໝໍ້ຂາງ ໃສ່ນ້ຳມັນ ໃຫ້ຮ້ອນ. ( ໝໍ້ຕ້ອງໃຫ້ໃຫຍ່ພໍທີ່ຈະ ຈືນໝີ່ ເວລາມັນຟູຂຶ້ນ ແລະ ນ້ຳມັນຕ້ອງຮ້ອນພໍ). ກວດເບິ່ງວ່າ ນ້ຳມັນໄດ້ທີ່ ໂດຍການ ຢອດເສັ້ນໝີ່ ລົງຫນ້ອຍໜຶ່ງກ່ອນ, ຖ້າມັນຟູຂຶ້້ນ ທັນທີ ຖືວ່າ ໝໍ້ຮ້ອນແລ້ວ. ໃຫ້ໃສ່ ສ່ວນທີ່ເຫລືອລົງໄປ ແລ້ວໃຊ້ ໄມ້ຖູ່ ສັ່ນໆ ຄົນໆ ມັນ. ເພື່ອໃຫ້ ມັນຟູຂຶ້ນຫລາຍໆ. ຈືນປະມານ ດ້ານລະ 3-5 ວິນາທີ.

5. ເຮັດ ຊ໊ອສ ລາດ: ໃຊ້ໝໍ້ ກະທະໃຫຍ່ໆ ໃສ່ນ້ຳມັນ 1 ບ່ວງແກງ ແລະ ກະທຽມລົງໄປ ຂົ້ວໃຫ້ເຫລືອງ. ໃສ່ນ້ຳຊຸບໄກ່ ແລະຂີງ ພໍມັນຟົດ ໃຫ້ໃສ່ ເຄື່ອງປຸງທັງໝົດລົງໄປ. ຄ່ອຍໆ ໃສ່ ແປ້ງສາລີທີ່ປະສົມນ້ຳແລ້ວນັ້ນ ລົງໄປ ມັກຂຸ້ນໆ ຕາມໃຈມັກ. ຊີມລົດຕາມໃຈ. ເອົາເຄື່ອງທີ່ກຽມກ່ອນໜ້າ ນີ້ ທຸກຢ່າງລົງໄປ ເຄືອບໆ ຄົນໆ ໃຫ້ເຂົ້າກັນ. ແລ້ວປິດໄຟ ຕຽມເສີບ ແຊບ :-)