4 ຄົນ · ປານກາງ · 40 ນາທີ · ₭ ປານກາງ

ລາບເປັດ ແມ່ນຈັດເປັນ ອາຫານ ດັ້ງເດີມ ຂອງ ບ້ານເຮົາ ອີກຈານໜຶ່ງ. ແຊບອີຫລີ ບໍ່ຕົວະ :) ເຮັດແລ້ວໆ ເສີບ ກັບຜັກ ແລະ ເຂົ້າໜຽວ ຄຸ້ຍ.....ໂອ້ຍ ສະຫວັນ ດີໆນີ້ເອງ !

ວິດິໂອ

ເຄື່ອງປຸງ

• ເອິກເປັດ 300 ກຣາມ, ຕິດໜັງ
• ເຄື່ອງໃນເປັດ 100 ກຣາມ, ຊອຍບາງໆ
• ຫອມບົ່ວແດງ 4 ຫົວ, ຊອຍບາງໆ
• ກະທຽມສົດ 4 ກີບ, ຊອຍບາງໆ
• ເຜັດດິບ 4 ໜ່ວຍ, ຊອຍນ້ອຍ, ໃສ່ໜ້ອຍຫລາຍຕາມໃຈ
• ຫອມບົ່ວໃບ 3 ກ້ານ, ຊອຍບາງໆ
• ຫອມປ້ອມ 1 ມັດ, ຊອຍນ້ອຍ
• ຫອມລາບ 1 ຖ້ວຍນ້ອຍ, ໃສ່ໜ້ອຍຫລາຍຕາມໃຈ
• ໝາກນາວ 1 ໜ່ວຍ, ບີບ ເອົາແຕ່ນ້ຳ
• ນ້ຳປາ 1 ບ່ວງແກງ
• ເກືອ 1 ບ່ວງກາເຟ
• ແປ້ງນົວ ½ ບ່ວງກາເຟ, ບໍ່ມັກບໍ່ໃສ່
• ເຂົ້າຂົ້ວ 1 ບ່ວງແກງ
• ນ້ຳມັນພືດ 1 ບ່ວງແກງ

ວິທີເຮັດ

1. ຊອຍ ແລະ ຟັກ ຊີ້ນເປັດ.

2. ຂົ້້ວ ຫອມບົ່ວ ແລະ ກະທຽມໃສ່ ນ້ຳມັນ ໃຫ້ເຫລືອງຫອມ. ແລ້ວ ເອົາ ຊີ້ນເປັດ ແລະເຄື່ອງໃນ ລົງ ຂົ້ວ, ໃສ່ ເກືອ, ແປ້ງນົວ ແລະ ຂົ້ວໃຫ້ສຸກ.

3. ຖອກ ໃສ່ຊາມ, ຄົນ ໃຫ້ເຢັນ. ໃສ່ ນ້ຳປາ, ໝາກນາວ, ໝາກເຜັດ, ແລະ ເຂົ້າຂົ້ວ, ແລ້ວ ເອົາຜັກຫອມລົງ. ຄົນໃຫ້ ເຂົ້າກັນ ແລ້ວຊີມ ຕາມໃຈມັກ. ຕັກເສີບ! ແຊບ :)