4 ຄົນ · ປານກາງ · 45 ນາທີ · ₭ ປານກາງ

ໃຜກຳລັງຊອກຫາ ເທັກສເຈີ (ສຳຜັດ) ນີ້ຢູ່: ກອບນອກ ນຸ້ມໃນ? ມີເຄັດລັບ ມາບອກ – ມາເຮັດ ທອດມັນຝັລ່ງ (ນ້ອຍ) ກັບສ່ວນປະສົມ ເຄື່ອງປຸງແບບ ສະໄຕ ຈີນ ໂຮມເມດກັນເທາະ!

ມີທັງ ລົດຊາດ ແລະ ກິ່ນຫອມ ແລະ ສຳຜັດທີ່ ແຊບ. ໃຜສາຍ ປີ້ງແບບຈີນໆ ຮັບຮອງເມນູນີ້ໂດນແນ່ນອນ.

ສູດຈາກ IG Chubby Whale, YT Chubby Whale

ວິດິໂອ

ເຄື່ອງປຸງ

ວັດຖຸດິບສົດ

• ມັນຝລັ່ງນ້ອຍ 500 ກຣາມ, ລ້າງສະອາດ ບໍ່ປອກເປືອກ
• ກະທຽມສົດ 2 ກີບ, ສັບມຸ່ນ
• ຂີງສົດ 1 ປ່ຽງ, ຊອຍຕ່ອນໜາ
• ຫອມບົ່ວໃບ 1 ອັນ, ຊອຍບາງ
• ຫອມປ້ອມ 3 ກ້ານ, ຊອຍຕ່ອນນ້ອຍ

ສ່ວນປະກອບຜົງເຄື່ອງເທດເຜັດ

• ໝາກມາດ 2 ບ່ວງກາເຟ
• ອົບເຊີຍແທ່ງ 1 ແທ່ງ, 2 ຊັງຕີແມັດ
• ດອກໂປຍກັ໊ກ 3 ອັນ, ດອກໃຫຍ່
• ເມັດຜັກຊີໃຫຍ່ (ເຟັນເນວ) ¼ ບ່ວງກາເຟ
• ກຣານພູ 1 ອັນ
• ແກ່ນຜັກຫອມປ້ອມ ¾ ບ່ວງກາເຟ
• ເມັດຢີ່ຣ່າ (ເຄື່ອງເທດ) 2 ບ່ວງກາເຟ
• ໝາກເຜັດແຫ້ງ 6 ອັນ, ເພີ່ມ ຫລື ລົດໄດ້
• ງາຂາວ 1.5 ບ່ວງກາເຟ

ເຄື່ອງປຸງອື່ນໆ

• ຖົ່ວເຕົ້າຈ້ຽວເຜັດ 1.5 ບ່ວງແກງ
• ຜົງຫົວບົ່ວໃຫຍ່ 2 ບ່ວງກາເຟ
• ນ້ຳຕານ 1 ບ່ວງກາເຟ
• ເກືອ , ໃສ່ແລ້ວແຕ່ມັກ

ວິທີເຮັດ

ໝາຍເຫດ:

- ໃຊ້ມັນຝລັ່ງ ຫົວນ້ອຍໆ ແບບເປືອກເຫລື້ອມໆ ມັນໆ ຈະແຊບສຸດ,ຖ້າບໍ່ມີ ເອົາຊະນິດອື່ນກໍ່ໄດ້.

- ຈະອົບ ຫລື ໃຊ້ ໝໍ້ທອດ ໄຮ້ນຳ້ມັນ ກໍ່ໄດ້, ມັນອາດຈະບໍ່ໄດ້ ເນື້້ອສຳຜັດດຽວກັນ ແຕ່ ບາດນັ້ນຈິ່ງເອົາມາຂົ້ວ ກັບເຄື່ອງເທດໃນໝໍ້ ອີກບາດໜຶ່ງ ກໍ່ໄດ້ຢູ່.

- ການບົດຜົງ ເຄື່ອງເທດ ກັບໝາກເຜັດເອງ ຊ່ອຍໃຫ້ ໄດ້ກິ່ນຫອມ ກວ່າຊື້້ ຜົງສຳເລັດຮູບ.

1. ກຽມມັນຝລັ່ງ :

- ໃຊ້ມີດ ກີດ ເປືອກມັນຝລັ່ງ ອ້ອມເປັນວົງມົນຈອດ ແບບ ບໍ່ເຂົ້າເລິກ.

- ເອົາໄປຕົ້ມໃນນ້ຳປະມານ 5 ນາທີ, ບໍ່ຈຳເປັນຕ້ອງສຸກ

- ເອົາອອກໄປແຊ່ນ້ຳ ເຢັນ ແລ້ວ ລອກເປືອກອອກ ຕາມຮອຍຂີດນັ້ນ.

- ເອົາໄປວາງໄວ້ ເຈ້ຍ ຊັບນ້ຳ ອອກໃຫ້ແຫ້ງ

2. ກຽມ ຜົງເຄື່ອງເທດ:

- ຕັດພວກ ເຄື່ອງເທດໃຫ້ເປັນຕ່ອນນ້ອຍ

- ໄປຂົ້ວ ບໍ່ໃສ່ນ້ຳມັນ ໃນກະທະ ກັບໄຟ ປານກາງ, ໝັ່ນຄົນພໍມັນຫອມໃຫ້ ເອົາອອກ.

- ແລ້ວ ນຳໄປປັ່ນ ຫລື ຕຳໃຫ້ມຸ່ນເປັນຜົງ

- ໃສ່ ຜົງຜັກບົ່ວ (ສຳເລັດຮູບ) 2 ບ່ວງແກງ ປະສົມລົງກັບເຄື່ອງເທດບົດນັ້ນ ແລ້ວ ຄົນ ປະໄວ້ຖ້ວຍ .

3. ຂັ້ນຕອນຈືນ:

- ໃຊ້ໝໍ້ຂາງໃຫຍ່ ເປີດໄຟປານກາງ, ໃສ່ນ້ຳມັນ ກະໃຫ້ ພໍດີຖ້ວມມັນຝລັ່ງທີ່ມີ.

- ຈືນ ປະມານ 4-5 ນາທີ, ຈົນກວ່າມັນສຸກ. ( ໃຊ້ໄມ້ຈີ້ມແຂ້ວ ແທງລົງເບິ່ງ ຖ້າທາງໃນມັນອ່ອນ ສະແດງວ່າສຸກແລ້ວ)!

- ໃຊ້ ຈອງ ເນັ້້ນໆ ມັນ ໃຫ້ ແຕກ ເພື່ອ ໃຫ້ ນ້ຳມັນ ເຂົ້້າໄປ ທາງໃນ ເພີ່ມຄວາມກອບ.

- ຈືນຕໍ່ໄປຈົນ ເຫັນວ່າມັນເຫລືອງ ກອບ.

- ກອບໄດ້ທີ່ ແລ້ວ ຕັກອອກ ຊັບນ້ຳມັນອອກ. ຢ່າລືມ ປະ ນ້ຳມັນໃນໝໍ້ ໄວ້ ຈັກ 1 ບ່ວງແກງ.

- ແລ້ວ ໃສ່ ຂີງ, ຖົ່ວເຕົ້າຈ້ຽວເຜັດ, ແລະ ກະທຽມລົງໄປ. ຂົ້້ວໃຫ້ເຂົ້້າກັນ.

- ໃສ່ມັນຝລັ່ງ ທອດລົງໄປ ແລ້ວ ຂົ້້ວໃຫ້ເຂົ້າກັນ.

- ໃສ່ ພວກເຄື່ອງເທດ ປົ່ນ ທີ່ບົດໄວ້ ນັ້ນລົງໄປ ປະມານ 1 ຫາ 1.5 ບ່ວງກາເຟ, ຕາມດ້ວຍ ຫອມບົ່ວໃບຊອຍ. ແລ້ວ ປຸງລົດດ້ວຍ ນ້ຳຕານ ແລະ ເກືອ ຢ່າງລະ 1 ບ່ວງກາເຟ. ຊີມລົດຕາມມັກ.

- ຄົນໃຫ້ເຂົ້້າກັນດີ ແລ້ວ ຕັກໃສ່ຈານ ໂຮຍດ້ວຍ ຫອມບົ່ວ ຊອຍ ແລະຫອມປ້ອມ ອີກຄັ້້ງ ກ່ອນເສີບ.