4 ຄົນ · ງ່າຍ · 40 ນາທີ · ₭ ປານກາງ

ຍາມໃດເຮັດລາບເປັດ ລະຕ້ອງມີ ແກງເປັດໂລດໃດ! ເພາະ ມັນຂອງຄູ່ກັນ. ເຂົ້າໜຽວ ຄຸ້ຍ ລາບ ແຊບໆ ລະ ກະ ຊົດ ແກງຮ້ອນໆ ໃສ່. ເຂົ້າກັນ ເຂົ້າກັນ :)

ວິດິໂອ

ເຄື່ອງປຸງ

• ຂາເປັດ 2 ຕ່ອນ, ຕັດເປັນຕ່ອນ ພໍດີຄຳ
• ປີກເປັດ 2 ຕ່ອນ, ຕັດເປັນຕ່ອນ ພໍດີຄຳ
• ຫອມບົ່ວແດງ 2 ຫົວ, ຊອຍ
• ຫົວສີໄຄ 2 ກ້ານ, ຊອຍ ຫລື ທຸບ
• ເຜັດດິບ 3 ໜ່ວຍ, ຊອຍ ສະຫລຽງ ໃສ່ຕາມໃຈ
• ໝາກຂາມປຽກ 1 ບ່ວງແກງ
• ຮາກຜັກຫອມປ້ອມ 4 ຮາກ, ທຸບພໍແຕກ
• ເກືອ 1 ບ່ວງກາເຟ
• ແປ້ງນົວ 1 ບ່ວງກາເຟ
• ນ້ຳປາ 1 ບ່ວງແກງ
• ຫອມບົ່ວໃຫຍ່ 1 ຫົວ, ຊອຍ
• ຫມາກເລັ່ນນ້ອຍ 8 ໜ່ວຍ, ຊອຍ
• ຫອມບົ່ວໃບ 4 ກ້ານ, ຊອຍນ້ອຍ
• ຫອມປ້ອມ 4 ກ້ານ, ຊອຍນ້ອຍ
• ນ້ຳ 1.5 ລິດ

ວິທີເຮັດ

1. ຄ້າງໝໍ້ ຕົ້ມນ້ຳໃ້ຫຟົດ ແລະ ໃສ່ ໝາກເຜັດ, ຫົວບົ່ວແດງ, ຫົວສີໄຄ, ຮາກຫອມປ້ອມ, ໝາກຂາມປຽກ.

2. ໃສ່ເກືອ, ແປ້ງນົວ, ນ້ຳປາ ແລະ ຊີ້ນເປັດລົງ ຕົ້ມ ປະມານ 30 ນາທີ ຫລື ຈົນ ໃຫ້ຊີ້ນ ເປື່ອຍ.

3. ເອົາ ຫົວບົ່ວໃຫຍ່ ລົງໝໍ້ ຕົ້ມປະມານ 2 ນາທີ ແລ້ວ ໃສ່ ໝາກເລັ່ນ. ຊີມລົດ ໃຫ້ພໍດີ ແລ້ວ ໃສ່ ຜັກຫອມຊອຍ ປິດໄຟ! ເສີບ :)