6 ຄົນ · ປານກາງ · 60 ນາທີ · ₭ ປານກາງ

ແໜມເຂົ້າ ເມນູຕຳນານ ອີກເມນູໜຶ່ງ. ເບິ່ງຄື ຊິເຮັດຍາກ ແຕ່ທີ່ຈິງບໍ່ໄດ້ຍາກເລີຍ. ໄດ້ເຄັດລັບ ຄວາມແຊບ ແລະ ຂັ້ນຕອນງ່າຍໆ ຈາກເອື້ອຍຮັກ ເລີຍເອົາມາແຊ ເບິ່ງຕາມນີ້ເລີຍ:

ເຄື່ອງປຸງ

• ເຂົ້າຈ້າວຫຸງ 500 ກຣາມ
• ໄຂ່ໄກ່ 3 ໜ່ວຍ
• ໝາກພ້າວຂູດ 1 ຖ້ວຍນ້ອຍ
• ແປ້ງນົວ 1 ບ່ວງແກງ
• ຄະນໍຜົງ 2 ບ່ວງແກງ
• ເກືອ ½ ບ່ວງກາເຟ
• ຜົງໝາກເຜັດແດງໃຫຍ່ 1 ບ່ວງແກງ
• ນ້ຳມັນພືດ ½ ລິດ
• ສົ້ມໝູ 2 ຖ້ວຍນ້ອຍ, ຊອຍເປັນຕ່ອນ ປະໄວ້ຄົນຕອນເສີບ
• ຖົ່ວດິນຂົ້ວ 4 ບ່ວງແກງ
• ນ້ຳໝາກຂາມປຽກ 1 ຖ້ວຍນ້ອຍ
• ນ້ຳປາ 1 ບ່ວງແກງ
• ເກືອ 1 ບ່ວງກາເຟ
• ນ້ຳຕານ ½ ຖ້ວຍນ້ອຍ
• ກະທຽມ 1 ບ່ວງແກງ, ສັບລະອຽດ
• ຫມາກເຜັດດິບ 1 ບ່ວງແກງ, ສັບລະອຽດ
• ນ້ຳ 4 ບ່ວງແກງ
• ຜັກສະຫລັດ 500 ກຣາມ
• ຜັກໜອກ 500 ກຣາມ
• ໝາກປີ 1 ຫົວ, ຕັດເປັນ 8 ປ່ຽງ
• ຫອມບົ່ວໃບ 1 ມັດ
• ຫອມປ້ອມ 1 ມັດ
• ຫອມເປ 1 ມັດ
• ໝາກເຜັດແຫ້ງທອດ 10 ໜ່ວຍ, ຕົວເລືອກ
• ຫອມລາບ 1 ມັດ

ວິທີເຮັດ

ຂັ້ນຕອນ 1: ຄົນເຂົ້າຈ້າວກັບຫມາກພ້າວຂຼດ, ເກືອ, ແປ້ງນົວ, ນ້ຳຕານ, ຄະນໍ, ເຜັດຜົງ ແລະໄຂ່ໄກ່ໃຫ້ເຂົ້າກັນດີ. ຊີມລົດໃຫ້ພໍດີ

ແລ້ວປັ້ນເປັນກ້ອນປະມານສ່ຳກຳປັ້ນ.

ຂັ້ນຕອນ 2: ນຳກ້ອນແຫນມ ໄປທອດໃນນ້ຳມັນຮ້ອນປານກາງ ຈົນສຸກເຫລືອງ ແລ້ວ ອອກປະໄວ້ໃນຊາມ ໃຫ້ເຢັນແລ້ວບີບໃຫ້ມຸ່ນ.

ຂັ້ນຕອນ 3: ເອົາສົ້ມຫມູ, ຖົ່ວດິນ, ຫອມບົ່ວ, ຫອມປ້ອມ, ຫອມເປ ທີ່ຊອຍ ຄົນໃສ່.

ຂັ້ນຕອນ 4: ເຮັດແຈ່ວ: ແມ່ນຂ້ຽວນ້ຳຕານໃຫ້ເຫລືອງຫອມແລ້ວຕື່ມນ້ຳໃສ4ບ່ວງແກງ. ເອົາຫມາກຂາມປຽກລົງ ຕາມດ້ວຍເກືອ, ນ້ຳປາ ຕົ້ມຈົນນ້ຳຕານລະລາຍ ແລະຫມາກຂາມອອກສົ້ມ ແລະປົງລົງ ຕອງເອົາເຫຍື່ອຫມາກຂາມອອກຖ້າມີ.

ບົດຫມາກເຜັດສຸກ ແລະ ກະທຽມໃສ່ຕອນນ້ຳຮ້ອນ. ຊີມລົດຊາດຕາມໃຈມັກ.

ຂັ້ນຕອນ 5: ຈັດແຫນມແລະ ຜັກພັນໃສ່ຈານ ເສີບພ້ອມກັບແຈ່ວ ແລະ ເຜັດແຫ້ງ. ແຊບ!