4 ຄົນ · ປານກາງ · 2 ຊົ່ວໂມງ · ₭ ຖືກ

ແກງໜໍ່ ໄມ້ ຊອດ, ແກງ ແບບບ້ານນອກ ກິນຢູ່ໄຮ່ ຢູ່ສວນ ແຊບແທ້ໆ ພີ່ນ້ອງເອີຍ.

ວິດິໂອ

ເຄື່ອງປຸງ

• ໜໍ່ຊອດ 1 ກິໂລ, ປອກ ແລະ ລ້າງໃຫ້ສະອາດ
• ນ້ຳຢານາງ 1.5 ລິດ, ຄັ້ນໃບສົດໆແຊບກວ່າ
• ເຂົ້າເບືອ 4 ບ່ວງແກງ
• ໝາກບວບ 1 ໜ່ວຍ, ຊອຍຕ່ອນນ້ອຍ
• ເຫັດນາງລົມສົດ 1 ຖ້ວຍນ້ອຍ, ລວມ ກັບເຫັດອື່ນກະໄດ້
• ໝາກອຶແກ່ 1 ຖ້ວຍນ້ອຍ, ຊອຍຕ່ອນນ້ອຍ
• ຫມາກແຄ້ງ ½ ຖ້ວຍນ້ອຍ
• ເຜັດດິບ 6 ໜ່ວຍ, ເພີ່ມ ຫລື ລົດໄດ້
• ຜັກຂະແຍງ 1 ຖ້ວຍນ້ອຍ
• ປາແດກ 5 ບ່ວງແກງ
• ເກືອ 1 ບ່ວງແກງ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່

ວິທີເຮັດ

1. ປອກໜໍ່ໄມ້, ເອົາ ແຕ່ ອັນອ່ອນ ແລ້ວ ນຳໄປລ້າງນ້ຳໃຫ້ ສະອາດ.

2. ນຳໄປຕົ້ມ ໃຫ້ຈືດ ປະມານ 1 ຊົ່ວໂມງ ປ່ຽນ ນ້ຳ 2 ເທື່ອ

3. ຄ້າງໝໍ້ແກງ ໂດຍ ໃສ່ນ້ຳ ຢານາງ ແລະ ໜໍ່ ລົງໄປ

4. ຕຳເຂົ້າເບືອ ໃຫ້ແຫລກ, ພໍໝໍ້ຟົດ ໃສ່ ເຂົ້າເບືອລົງໄປ

5. ຕາມດ້ວຍ ໝາກບວບ, ເຫັດລວມ, ໝາກເຜັດດິບຈີ່, ໝາກອຶ, ໝາກແຄ້ງຟ້າ. ປຸງເຄື່ອງດ້ວຍ ປາແດກ, ເກືອ, ແລະ ແປ້ງນົວ(ຕາມໃຈມັກ)

6. ຕົ້ມ ປະມານ 30 ນາທີ ຈົນ ໝາກອຶ ແລະ ເຫັດສຸກ. ໃສ່ ຜັກຂະແຍງ. ແລ້ວ ຕັກເສີບ ຮ້ອນໆ ເລີຍ. ແຊບ :)