1 ຖ້ວຍ · ງ່າຍ · 40 ນາທີ · ₭ ຖືກ

ແກງເຫັດ 3 ສະຫາຍ ແມ່ນ ລວມເອົາເຫັດ 3 ຢ່າງ ມາຢູ່ນຳກັນ. ໃສ່ຊີ້ນໝູ ແດ່, ຜັກອີຕູ່ແດ່, ປາແດກ ຢອດໃສ່ແດ່. ມັນຊ່າງ ເຂົ້າກັນ ເຂົ້້າກັນ. ວ່າແລ້ວ ກະໄປ ແຕ່ງກິນເລີຍ.

ວິດິໂອ

ເຄື່ອງປຸງ

• ເຫັດເຟືອງ 1 ຖ້ວຍນ້ອຍ
• ເຫັດຫູໜູ (ເຫັດສະໜຸ່ນ) 1 ຖ້ວຍນ້ອຍ
• ເຫັດນາງລົມສົດ 1 ຖ້ວຍນ້ອຍ, ຫລື ເອົາເຫັດ ອື່ນແທນກໍ່ໄດ້
• ຜັກອີຕູ່
• ຊີ້ນໝູສົດ 100 ກຣາມ, ຕັດເປັນຕ່ອນ
• ນ້ຳຢານາງ 1 ຖ້ວຍນ້ອຍ
• ເຜັດດິບ 3 ໜ່ວຍ, ໜ້ອຍຫລາຍຕາມໃຈ
• ຫົວສີໄຄ 3 ກ້ານ, ທຸບໃຫ້ພໍແຕກ
• ເຂົ້າເບືອ 1 ຖ້ວຍນ້ອຍ, ປົນກັບນ້ຳ
• ປາແດກ ½ ຖ້ວຍນ້ອຍ, ຊີມກ່ອນເພາະ ປາແດກບາງບ່ອນ ມີຄວາມເຄັມບໍ່ສຳ່ກັນ
• ເກືອ 1 ບ່ວງກາເຟ
• ນ້ຳປາ 1 ບ່ວງກາເຟ
• ນ້ຳ 1 ລິດ

ວິທີເຮັດ

1. ຄ້າງໝໍ້ ໃສ່ນ້ຳ ແລະ ເກືອ, ຕາມດ້ວຍຫົວສີໄຄ ແລະ ໝາກເຜັດ. ຕົ້ມໃຫ້ຟົດ.

2. ໃສ່ ດູກໝູ ຕົ້ມໃຫ້ ພໍສຸກ ປະມານ 15 ນາທີ ແລ້ວ ຈຶ່ງເອົາເຫັດລົງ.

3. ໃສ່ ນ້ຳຢານາງ, ປາແດກ, ແລະ ນ້ຳປາ. ແລ້ວ ຕົ້ມໃຫ້ຟົດ.

4. ໃສ່ ນ້ຳເຂົ້້າເບືອ, ຕົ້້ມອີກ ປະມານ 10 ນາທີ ຫລື ຈົນເຂົ້້າເບືອສຸກ.

5. ຊີມລົດຊາດໃຫ້ພໍດີ ແລ້ວ ໃສ່ ຜັກອີຕູ່, ຄົນໆ ແລ້ວ ປົງ. ກຽມແຊບໄດ້ :)