2 ຄົນ · ປານກາງ · 20 ນາທີ · ₭ ປານກາງ

ທອດໝູສາມຊັ້ນ ເປັນອີກ ເມນູໜຶ່ງ ທີ່ກິນແລ້ວຢຸດບໍ່ໄດ້. ຢ່າໄດ້ ເວົ້າເຖິງນ້ຳໜັກ, ໃຫ້ເກັບໄວ້ໃນໃຈກ່ອນ. ມື້ນີ້ຂໍ ມ່ວນກັບການ ກິນກ່ອນສາເນາະ. ມາເດີ ມາເດີ.

ວິດິໂອ

ເຄື່ອງປຸງ

ເຄື່ອງໝັກໝູ

• ໝູສາມຊັ້ນ 500 ກຣາມ, ຊອຍຕ່ອນບາງ
• ເກືອ ½ ບ່ວງແກງ
• ພິກໄທດຳປົ່ນ ½ ບ່ວງແກງ
• ນ້ຳຕານ ½ ບ່ວງແກງ
• ແປ້ງທອດໂກກິ 2 ບ່ວງແກງ
• ນ້ຳປາ 1 ບ່ວງແກງ
• ນ້ຳມັນຫອຍ 1 ບ່ວງແກງ
• ນ້ຳ 2 ບ່ວງແກງ

ເຄື່ອງເຮັດແຈ່ວ

• ເຜັດຜົງ 1 ບ່ວງແກງ
• ເຂົ້າຂົ້ວ 1 ບ່ວງແກງ
• ນ້ຳປາ 1 ບ່ວງແກງ
• ນ້ຳຕານ 1 ບ່ວງແກງ
• ໝາກນາວ 2 ບ່ວງແກງ
• ນ້ຳ 1 ບ່ວງແກງ

ເຄື່ອງປຸງອື່ນໆ

• ນ້ຳມັນພືດ
• ຫອມປ້ອມຊອຍ 1 ບ່ວງກາເຟ, ໃສ່ໂຮຍໜ້າ ແຈ່ວ

ວິທີເຮັດ

1. ກ່ອນອື່ນ ໝັກໝູ ດ້ວຍ ເກືອ, ນ້ຳຕານ, ພິກໄທ, ນ້ຳປາ, ນ້ຳມັນຫອຍ, ແປ້ງສຳລັບທອດ, ແລະ ນ້ຳ. ປະສົມ ໃຫ້ເຂົ້າກັນດີ.

2. ຄ້າງໝໍ້ ໃສ່ນ້ຳມັນ ໃຫ້ຮ້ອນ ແລ້ວຈຶ່ງ ເອົາໝູລົງທອດ. ທອດໃຫ້ເຫລືອງ ແລະ ແຫ້ມກອບ ແລ້ວ ຕັກອອກໄວ້.

3. ເຮັດແຈ່ວ: ເອົາຖ້ວຍແຈ່ວມາ, ໃສ່ ເຜັດປົ່ນ, ເຂົ້າຂົ້ວ, ນ້ຳປາ, ນ້ຳຕານ, ໝາກນາວ, ຕື່ມນ້ຳ ໜ້ອຍໜຶ່ງ. ຄົນໃຫ້ ນ້ຳຕານເປື່ອຍ. ໂຮຍຫອມປ້ອມໃສ່.

4. ພ້ອມເສີບ ໄດ້ເລີຍ. ຈັບຕ່ອນໝູ ກອ໊ບກອບ ມາຄຸ້ຍ ແຈ່ວ. ຍົກເບຍເຢັນໆໃສ່ ກະເຂົ້້າທ່າ ຢູ່ໃດເນາະ!