1 ຈານ · ງ່າຍ · 30 ນາທີ · ₭ ຖືກ

ຕຳຖາດ ແມ່ນຕຳໝາກຫຸ່ງ ແລ້ວ ເອົາມາໃສ່ຖາດໃຫຍ່ໆ ມີຂອງກັບ ຫລາຍໆຢ່າງ ໃສ່ຕາມໃຈ. ແຊບສຸດ :)

ວິດິໂອ

ເຄື່ອງປຸງ

ເຄື່ອງຕຳໝາກຫຸ່ງ

• ໝາກຫຸ່ງດິບ 1 ຖ້ວຍ, ຟັກ ແລະ ຊອຍເປັນເສັ້ນ
• ໝາກນາວ 1 ໜ່ວຍ
• ຫມາກເລັ່ນນ້ອຍ 6 ໜ່ວຍ, ຊອຍນ້ອຍ
• ໝາກກອກ 1 ໜ່ວຍ, ຊອຍ
• ໝາກເອິກ 5 ໜ່ວຍ, ລ້າງເອົາ ຂົນອອກ ແລ້ວຊອຍ
• ຫມາກເຜັດດິບແດງ 10 ໜ່ວຍ, ໜ້ອຍຫລາຍ ຕາມໃຈມັກ
• ກະທຽມສົດ 2 ກີບ
• ນ້ຳຕານ 2 ບ່ວງແກງ
• ແປ້ງນົວ 1 ບ່ວງແກງ, ໃສ່ຕາມໃຈມັກ
• ປາແດກ 2 ບ່ວງແກງ, ໃສ່ຕ່ອນ ປາແດກ ເພື່ອເພີ່ມ ອັດຖະລົດ

ວິທີເຮັດ

1. ເອົາຄົກມາຕຳ ໝາກເຜັດ, ກະທຽມ, ນ້ຳຕານ, ແປ້ງນົວ ໃຫ້ແຫລກ ແລະ ໃສ່ໝາກຫຸ່ງ, ໝາກເອິກ, ໝາກເລັ່ນ, ໝາກກອກ, ບີບໝາກນາວໃສ່, ປາແດກ ຖອກລົງ, ແລະ ຕ່ອນປາແດກ. ຕຳໃຫ້ເຂົ້າກັນດີ ແລ້ວ ຊີມໃຫ້ພໍດີຕາມໃຈມັກ.

2. ຖອກໃສ່ ຖາດທີ່ມີ ໄຂ່ຕົ້ມ, ໄຂ່ຍ່ຽວມ້າ, ຈືນປາແຫ້ງ, ຂຽບໝູ, ໄສ້ອົ່ວຫວານ, ແລະ ຜັກຕ່າງໆ. ເຊີນແຊບໄດ້ເລີຍ :)

ເຄື່ອງມື ທີ່ໃຊ້ແຕ່ງເມນູນີ້

• ຄົກກັບສາກ