1 ຈານ · ປານກາງ · 15 ນາທີ · ₭ ຖືກ

ເຊື່ອວ່າ ຫລາຍຄົນ ມັກກິນໝີ່ ໄວໄວເນາະ, ນອກຈາກ ຊິຕົ້ມແລ້ວ ກະຕຳນີ້ແຫລະ ທີ່ມັນແຊບ :)

ເຄື່ອງປຸງ

• ໝີ່ໄວໄວ ລົດຕົ້ນຕຳລັບ 1 ແພັກ
• ຜັກກະລ່ຳປີ 1 ຖ້ວຍນ້ອຍ
• ຜັກບົ້ງ 1 ຖ້ວຍນ້ອຍ
• ຖົ່ວຍາວ ½ ຖ້ວຍນ້ອຍ, ຕັດເປັນຕ່ອນ
• ຫມາກເລັ່ນນ້ອຍ 5 ໜ່ວຍ
• ໝາກນາວ 1 ໜ່ວຍ
• ເຜັດດິບ 5 ໜ່ວຍ, ເພີ່ມ ຫລຸດໄດ້
• ກະທຽມສົດ 1 ກີບ
• ນ້ຳຕານ 1 ບ່ວງແກງ
• ແປ້ງນົວ ½ ບ່ວງກາເຟ
• ກະປິ ½ ບ່ວງກາເຟ
• ປາແດກ 1 ບ່ວງແກງ
• ຖົ່ວດິນຂົ້ວ 1 ບ່ວງແກງ, ໂຮຍຫນ້າ

ວິທີເຮັດ

1. ຕົ້ມນ້ຳໃຫ້ຟົດ, ລວກ ໝາກຖົ່ວ, ຜັກບົ້ງ, ແລະ ຜັກກະລ່ຳ, ຈາກນັ້ນ ໃສ່ໝີ່ລົງໄປ ຕົ້ມ ປະມານ 2 ນາທີ. ແລ້ວ ຖອກນ້ຳອອກ ແລະ ລ້າງນ້ຳເຢັນ ທັນທີ ເພື່ອ ໃຫ້ມັນກອບ.

2. ຕຳເຄື່ອງ: ໝາກເຜັດ, ກະທຽມ, ນ້ຳຕານ, ແປ້ງນົວ, ກະປິ. ໃສ່ ໝາກເລັ່ນຊອຍ, ບີບໝາກນາວໃສ່ ແລະ ໃສ່ປາແດກ.

3. ໃສ່ ຜັກ ແລະ ໝີ່ (ໃສ່ເຄື່ອງປຸງ ຂອງໝີ່ ໝາກເຜັດ ແລະ ພິກໄທ) ຕຳ ຄ່ອຍໆ ໃຫ້ເຂົ້າກັນ. ຊີມລົດຊາດໃຫ້ພໍດີ, ໂຮຍ ຖົ່ວດິນໃສ່ ແລ້ວເສີບ!