2 ຄົນ · ງ່າຍ · 30 ນາທີ · ₭ ຖືກ

ປານ້ອຍບ້ານເຮົາມີຫລາຍ ແມ່ນຍາມເຮັດນາ, ໂຕທີ່ແຊບສຸດ ແມ່ນປາປົກ. ມື້ິນີ້ ເຫັນປາເຫລືອຢູ່ຕູ້ເຢັນ ເລີຍເອົາມາເອາະໃສ່ ໜໍ່ສົ້ມ. ເຄັດລັບ ຄວາມແຊບເອກະລັກສະເພາະຢູ່ນີ້ ແມ່ນໃສ່: ໝາກແຂ່ນດິບ, ໃບຂີງນ້ອຍ, ແລະ ຜັກ ອີຕູ່ດອກແຫລ້ເດີ.

ວິດິໂອ

ເຄື່ອງປຸງ

• ປາປົກ (ປານ້ອຍ) 300 ກຣາມ, ໄສ້ຂີ້ອອກ ແລະ ລ້າງໃຫ້ສະອາດ
• ໜໍ່ສົ້ມ 200 ກຣາມ, ປັ້ນນ້ຳອອກ ຫລື ລ້າງນ້ຳ ຖ້າບໍ່ມັກສົ້ມ
• ຫົວສີໄຄ 2 ກ້ານ, ທັບໃຫ້ແຕກເພີ່ມກິ່ນຫອມ
• ເຜັດດິບ 5 ໜ່ວຍ, ໜ້ອຍ ຫລາຍຕາມໃຈ
• ໝາກແຂ່ນດິບ 1 ບ່ວງແກງ, ຕຳມຸ່ນ
• ເກືອ 1 ບ່ວງແກງ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ໃບຂີງ 2 ໃບ, ຊອຍຕ່ອນນ້ອຍ
• ຜັກອີຕູ່ ດອກແຫຼ້ 4 ກ້ານ, ຊອຍຕ່ອນນ້ອຍ
• ຜັກຊີສົດ 1 ບ່ວງແກງ, ຊອຍຕ່ອນນ້ອຍ
• ຫອມບົ່ວໃບ 1 ກ້ານ, ຊອຍຕ່ອນນ້ອຍ

ວິທີເຮັດ

1. ຈີ່ໝາກເຜັດດິບກ່ອນ

2. ຄ້າງໝໍ້ ໃສ່ນ້ຳ ປະມານ 1 ຖ້ວຍແກງ ໃຫ້ຟົດ, ໃສ່ເກືອ, ໃສ່ຫົວສີໄຄທຸບ, ໃສ່ໜໍ່ສົ້ມ, ຕາມດ້ວຍ ປານ້ອຍລົງໄປ. ແລະ ຊອຍ ຫລື ຈີກໝາກເຜັດທີ່ຈີ່ ນັ້ນລົງໝໍ້ເລີຍ.

3. ຕຳໝາກແຂ່ນດິບ ໃຫ້ມຸ່ນ ແລ້ວ ໄປໃສ່ໝໍ້. ເອາະໄວ້ ປະມານ 15 ນາທີ ຫລື ຈົນປານ້ອຍສຸກ. ໃສ່ແປ້ງນົວ ແລະ ຊີມລົດຊາດ ໃຫ້ພໍດີ.

4. ໃສ່ຫອມຊອຍທຸກຢ່າງລົງໄປ ຄົນໃຫ້ເຂົ້າກັນ ແລ້ວປິດໄຟ. ຕັກເສີບໄດ້ :)