4 ຖ້ວຍ · ງ່າຍ · 10 ນາທີ · ₭ ປານກາງ

ເຂົ້າໜ້າແຊວມ່ອນ 🤤😋😍

ນີ້ແມ່ນ ເມນູແຊວມ່ອນທີ່ມັກສຸດ

ເຄື່ອງປຸງ

• ປາແຊວມ່ອນເປັນຕ່ອນ 4 ອັນ, ທຳຄວາມສະອາດ ແລະ ເອົາກ້າງອອກ
• ນ້ຳ 2 ຄັບ
• ຜົງດາຊິລົດໄກ່ 2 ບ່ວງແກງ, ໃຊ້ຜົງຄະນໍແທນກໍ່ໄດ້
• ຜົງຊາຂຽວ ມັດຊ່ະ 2 ບ່ວງແກງ
• ນ້ຳມັນພືດ
• ເກືອ
• ເຂົ້າຈ້າວຫຸງ 4 ຖ້ວຍນ້ອຍ
• ແຜ່ນສາຫລ່າຍ , ຕັດເປັນເສັ້ນນ້ອຍ

ວິທີເຮັດ

1. ເອືອບຕ່ອນປາແຊວມ່ອນ ດ້ວຍເກືອ ແລ້ວນຳໄປຈືນໃສ່ນ້ຳມັນ ປະມານ 3ບ່ວງແກງ ໂດຍໃຊ້ໄຟ ກາງຫາແຮງ, ຈືນປະມານ 4 ນາທີ ຫລື ປາສຸກເຫລືອງດີ. ແລ້ວຈຶ່ງໃຊ້ ຕາຫລິວແບນ ປີ້ນ ອີກດ້ານໃຫ້ສຸກເຫລືອງ ໃຊ້ເວລາປະມານ 3 ນາທີ.

2. ເຮັດນ້ຳຊຸບຊາ: ໂດຍການໃສ່ ນ້ຳ 2 ຄັບ ລົງໃນໝໍ້. ພໍມັນເລີ່ມຟົດ ໃຫ້ໃສ່ຜົງ ດາຊິ ແລ້ວປິດໄຟໄວ້. ຈາກນັ້ນໃສ່ ຜົງຊາຂຽວມັດຊະ ຄົນໃຫ້ເຂົ້າກັນດີ (ຊີມເບິ່ງແລະໃສ່ ຜົງດາຊິເພີ່ມໄດ້ ຕາມໃຈມັກ).

3. ຕັກເຂົ້າໃສ່ຈານ. ໂຮຍໜ້າດ້ວຍສາຫລ່າຍກອບເສັ້ນ. ໃສ່ຕ່ອນປາແຊວມ່ອນລົງໄປ ແລ້ວຈິ່ງຄ່ອຍ ຮວດນ້ຳຊຸບຊາ ລົງໄປໃນຖ້ວຍເຂົ້າ. ແຊບໄດ້ 😊 !