1 ຈອກ · ງ່າຍ · 10 ນາທີ · ₭ ຖືກ

ສວຍງາມ ຕາມທ້ອງເລື່ອງ ອິອິອິ 😁!

ເຄື່ອງປຸງ

• ໝາກມັງກອນໃຈມ່ວງ ½ ໜ່ວຍ
• ໝາກມັງກອນເຫລືອງ ½ ໜ່ວຍ
• ຊານ້ຳເຜິ້ງໝາກນາວຂອງເກົາຫຼີ 2 ບ່ວງແກງ
• ໃບຊາແຫ້ງອູ້ຫຼົງ 1 ບ່ວງແກງ
• ນ້ຳກ້ອນບົດ

ວິທີເຮັດ

1. ແຊ່ໃບຊາ ອູ້ຫລົງ ໃນນ້ຳຮ້ອນ5 ຫາ7 ນາທີ. ຕອງເອົາແຕ່ນ້ຳຊາ ແລະ ປະໃຫ້ເຢັນ.

2. ຜ່າໝາກມັງກອນ ທັງ2ຊະນິດ ເປັນ2ປ່ຽງ, ປ່ຽງໜຶ່ງຕັດເປັນຕ່ອນ ລູກເຕົາ. ອີກປ່ຽງໜຶ່ງ ບີບ ຫລື ບົດ ໃຫ້ມຸ່ນ. ແຍກໄວ້ຄົນລະຖ້ວຍ.

3. ໃຊ້ຈອກຂະໜາດ 16 ອອນ, ໃສ່ ຊານ້ຳເຜິ້ງໝາກນາວ ເກົາຫລີລົງໄປ 2 ບ່ວງແກງ, ຕາມດ້ວຍ ໝາກມັງກອນເຫລືອງບົດ 2 ບ່ວງ , ໃສ່ນ້ຳກ້ອນບົດລົງໄປ 5 ອອນ, ໃສ່ນ້ຳຊາ ອູ້ຫລົງ 5ອອນ. ແລ້ວໃສ່ ໝາກມັງກອນໃຈມ່ວງບົດລົງໄປ 2 ບ່ວງ. ໂຮຍໜ້າ ດ້ວຍ ຕ່ອນໝາກມັງກອນ. ດື່ມໄດ້ 😊 !