1 ຖ້ວຍ · ງ່າຍ · 15 ນາທີ · ₭ ຖືກ

ເຮັດເຄື່ອງດອງງ່າຍໆ ແບບນີ້ໄວ້ກິນເອງ, ກິນກັບຫຍັງກໍ່ໄດ້ ເຊັ່ນ: ໝູສະເຕ໊ະ,​ ໃສ່​ເຂົ້າຈີ່ປາ​ເຕ້, ພັນຊີ້ນດາດ, ຫຼືຊິກັບເຝີກໍ່ໄດ້ ຕາມໃຈ.​ ມັກຂູດເປັນເສັ້ນ,​ຊອຍມົນ,​ບາງແບບໃດຕາມໃຈໂລດເດີ. ພິເສດ: ໃຜມັກໃສ່ໝາກເຜັດກໍ່ຊອຍເຜັດດິບໃສ່ນຳໜ້ອຍໜຶ່ງເດີ​

ເຄື່ອງປຸງ

• ໝາກແຕງ 1 ໜ່ວຍ
• ກາລົດ 1 ໜ່ວຍ
• ຫົວຜັກກາດຂາວ ½ ຫົວ
• ຫອມບົ່ວແດງ 1 ຫົວ
• ນ້ຳຕານ 1 ຖ້ວຍນ້ອຍ
• ນ້ຳສົ້ມສາຍຊູ ½ ຖ້ວຍນ້ອຍ, ຊີມເບິ່ງຖ້າມັກສົ້ມໃຫ້ໃສ່ຕື່ມ
• ເກືອ ½ ບ່ວງແກງ
• ນ້ຳ 1 ຖ້ວຍນ້ອຍ

ວິທີເຮັດ

1 .ຊອຍທຸກຢ່າງ ເປັນຕ່ອນນ້ອຍຕາມໃຈມັກ. ໃສ່ຖ້ວຍແລ້ວເຕັງນ້ຳກ້ອນ ຫຼືເຂົ້າຕູ້ເຢັນໄວ້.

2. ຕົ້ມນ້ຳ ໃສ່ກັບນ້ຳຕານໃຫ້ເປື່ອຍ, ໃສ່ເກືອ, ໃສ່ນ້ຳສົ້ມສາຍຊູຂາວ,​ ຄົນໃຫ້ເຂົ້າກັນດີ. ປະໄວ້ໃຫ້ເຢັນ.

3. ຖອກລົງ ໃສ່ຖ້ວຍຜັກ, ຄົນໆ ໃຫ້ເຂົ້າກັນ.​ ຖືວ່າກິນໄດ້ເລີຍ, ຖ້າຍັງບໍ່ກິນຕອນນັ້ນໃຫ້ຮ່າຍ ໃສ່ກັບອັດຝາໄວ້, ແລ້ວເຂົ້າຕູ້ເຢັນໄວ້ ເພາະຄວາມເຢັນເຮັດໃຫ້ຜັກສົດແລະກອບຕະຫຼອດເວລາ.