1 ຈານ · ຍາກ · 40 ນາທີ · ₭ ຖືກ

ອາຫານຫວຽດ ບັນກວນ ແຕ່ຢູ່ລາວກໍ່ມີຂາຍຫລາຍຄືກັນ. ມື້ນີ້ ມາເຮັດກິນເອງໄດ້ຢູ່ບ້ານ. ມາເບິ່ງວິທີເຮັດນຳກັນເລີຍ :)

ວິດິໂອ

ເຄື່ອງປຸງ

ເຄື່ອງປະກອບໄສ້ບັນກວນ

• ຊີ້ນໝູບົດສົດ 300 ກຣາມ
• ເຫັດຫູໜູ (ເຫັດສະໜຸ່ນ) 1 ຖ້ວຍນ້ອຍ, ສັບໆເປັນຕ່ອນນ້ອຍ
• ກະທຽມ 5 ກີບ, ສັບມຸ່ນ
• ຫອມບົ່ວໃບ 2 ກ້ານ, ຊອຍນ້ອຍ
• ນ້ຳມັນຫອຍ 1 ບ່ວງແກງ
• ເກືອ ½ ບ່ວງກາເຟ
• ພິກໄທດຳປົ່ນ ½ ບ່ວງແກງ

ເຄື່ອງເຮັດແຈ່ວ

• ນ້ຳຕານ 5 ບ່ວງແກງ
• ນ້ຳ 4 ບ່ວງແກງ, ເພີ່ມ ຫຼື ລົດໄດ້
• ເກືອ 1 ບ່ວງກາເຟ
• ໝາກນາວ 1 ບ່ວງແກງ, ເພີ່ມ ຫຼື ລົດໄດ້
• ຫມາກເຜັດດິບ 1 ບ່ວງແກງ
• ຫົວກາລົດຊອຍ 1 ບ່ວງແກງ

ເຄື່ອງປະກອບແປ້ງບັນກວນ

• ແປ້ງເຂົ້າຈ້າວ 1 ຖ້ວຍ
• ແປ້ງສິງກະໂປ 1 ຖ້ວຍ
• ນ້ຳ 1.5 ຖ້ວຍ

ວິທີເຮັດ

1. ເຮັດໄສ້:

- ຄ້າງໝໍ້ໃສ່ນ້ຳມັນ ຂົ້ວກະທຽມໃຫ້ຫອມ ແລ້ວໃສ່ຊີ້ນໝູລົງໄປຂົ້ວ.ປຸງລົດດ້ວຍ ນ້ຳມັນຫອຍ, ເກືອ, ແລະ ພິກໄທ. ແລະ ໃສ່ເຫັດຫູໜູລົງ, ຂົ້ວໃຫ້ເຂົ້າກັນຈົນສຸກ. ແລ້ວຈຶ່ງໃສ່ຫອມບົ່ວຊອຍ. ປົງໄວ້

2. ເຮັດແຈ່ວ:

- ຄ້າງໝໍ້ໃສ່ນ້ຳ ໜ້ອຍໜຶ່ງ, ໃສ່ນ້ຳຕານ ແລະ ເກືອ ຕົ້ມໃຫ້ເປື່ອຍ. ແລ້ວໃສ່ ໝາກເຜັດ, ຫົວກາລົດຊອຍ ແລະ ນ້ຳໝາກນາວ ຕາມໃຈມັກ.

3. ກຽມແປ້ງບັນກວນ:

- ເທແປ້ງເຂົ້າຈ້າວ1ຖ້ວຍ + ແປ້ງສິງກະໂປ 1 ຖ້ວຍ ລົງໃສ່ຊາມ, ແລ້ວເທນ້ຳ ລົງຖ້ວຍເຄິ່ງ. ຄົນໃຫ້ແປ້ງລະລາຍ.

- ຄ້າງໝໍ້ໃສ່ນ້ຳ ມັດຜ້າຂາວ (ບາງຄົນບໍ່ມີອຸປະກອນນີ້, ສາມາດ ເຮັດໃສ່ ໝໍ້ກະທະ ໄດ້ຄືກັນ), ພໍໝໍ້ຮ້ອນ ໃຫ້ເອົາແປ້ງເທລົງຜ້າຂາວ, ເຂ່ຍໆ ໃຫ້ ເປັນແຜ່ນ ແລ້ວໃສ່ ໄສ້ໝູສັບ. ຝາໝໍ້ປົກໄວ້ ແລ້ວມ້ວນແປ້ງປົກໄສ້ໄວ້. ຕັກອອກໄວ້ ຈານ ແລ້ວ ເຮັດ ແບບນີ້ ຈົນແປ້ງ ແລະ ໄສ້ໝູສັບໝົດ.

ເສີບກັບ ຜັກ ແລະ ແຈ່ວຕາມຊອບ

ເຄື່ອງມື ທີ່ໃຊ້ແຕ່ງເມນູນີ້

• ໝໍ້ໜຶ້ງ, ໝໍ້ໜຶ້ງ
• ຜ້າຂາວເຮັດອາຫານ, ຜ້າຂາວເຮັດອາຫານ
• ເຊືອກຝ້າຍເສັ້ນໃຫຍ່, ເຊືອກຝ້າຍເສັ້ນໃຫຍ່