4 ຄົນ · ງ່າຍ · 30 ນາທີ · ₭ ປານກາງ

'ເຂົ້າຜັດຫມູ' ຄືເມນູ ແກ້ຂັດ ຂອງເຮືອນຂ້ອຍ. ມື້ໃດຄິດຫຍັງບໍ່ອອກ ກະເຂົ້າຜັດ. ເດັກນ້ອຍກິນໄດ້ ຜູ້ໃຫຍ່ ກະກິນດີໆ. ໃຜຫວ່າງໆ ກະລອງເຮັດກິນເບິ່ງເດີ ຂົ້ວເອງ, ຜັດເອງ, ແຊບເອງ ຊັ້ນນາ. ສູດຢູ່ທາງລຸ່ມ:

ເຄື່ອງປຸງ

• ເຂົ້າຈ້າວຫຸງ 2 ຖ້ວຍນ້ອຍ
• ຊີ້ນໝູສົດ ½ ຖ້ວຍນ້ອຍ, ຊອຍບາງພໍດີຄຳ
• ໄຂ່ໄກ່ 3 ໜ່ວຍ
• ກະທຽມ 2 ກີບ, ສັບມຸ່ນ
• ຫອມບົ່ວໃຫຍ່ ½ ຫົວ
• ກາລົດ 1 ຫົວ, ຊອຍເປັນລູກເຕົານ້ອຍ
• ນ້ຳມັນຫອຍ 2 ບ່ວງແກງ
• ສະອິ້ວ 1 ບ່ວງແກງ
• ນ້ຳຕານ 1 ບ່ວງກາເຟ
• ນ້ຳມັນພືດ 1 ບ່ວງແກງ
• ຫອມບົ່ວໃບ 1 ບ່ວງແກງ, ຊອຍບາງ

ວິທີເຮັດ

ຂັ້ນຕອນ 1: ຂົ້ວກະທຽມແລະຫົວບົ່ວໃຫ້ເຫລືອງຫອມ

ຂັ້ນຕອນ 2: ເອົາຊີ້ນໝູລົງ ຕາມດ້ວຍ ນ້ຳມັນຫອຍ, ສະອິ້ວຂາວ, ນ້ຳຕານ ແລະກາລົດຊອຍ. ຂົ້ວເຂົ້າກັນຈົນຊີ້ນສຸກ

ຂັ້ນຕອນ 3: ຕອກໄຂ່ລົງ ແລ້ວຄົນໃຫ້ທົ່ວໄວໆ ສັງເກດເຫັນໄຂ່ຊິແຫ້ງ, ໃຫ້ເອົາເຂົ້າຈ້າວລົງ ແລ້ວ ຄົນໃຫ້ເຂົ້າກັນ. ຂົ້ວຕໍ່ໄປ ຈົນເຂົ້າ ປະສົມກັບຊ໊ອດດີແລ້ວ ມັນຈະ ອອກສີນ້ຳຕານອ່ອນ.

ຂັ້ນຕອນ 4: ຊີມລົດຊາດໃຫ້ພໍດີ, ໂຮຍຫອມບົ່ວຊອຍລົງໄປ ຄົນ ບາດຫນຶ່ງ ແລ້ວປິດໄຟ. ຕັກໃສ່ຈານເສີບ ແຊບ!