1 ຈານ · ງ່າຍ · 50 ນາທີ · ₭ ຖືກ

ອາຫານພື້ນບ້ານຂອງລາວເຮົາກ່ຽວກັບປາ 🐟 ຄົງຈະໜີບໍ່ພົ້ນ ກ້ອຍປາ ວິທີເຮັດກໍ່ແສນຈະງ່າຍ ແຕ່ລົດຊາດນັ້ນ ເໜືອຄຳບັນຍາຍ. ໃຜໆກໍ່ເຮັດໄດ້ ແລະ ກິນໄດ້ທຸກເວລາ ບໍ່ມີເບື່ອ. ມາເບິ່ງຂັ້ນຕອນການເຮັດຕາມນີ້ເລີຍ 👌👇

ວິດິໂອ

ເຄື່ອງປຸງ

• ຕອ່ນປາ(ຟີເລ່) 500 ກຣາມ, ຊອຍຕ່ອນບາງ
• ປາແດກ 2 ບ່ວງແກງ
• ເກືອ 1 ບ່ວງກາເຟ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ເຂົ້າຂົ້ວ 2 ບ່ວງແກງ
• ໝາກນາວ 1 ໜ່ວຍ
• ເຜັດດິບ 5 ໜ່ວຍ, ຊອຍບາງໆ
• ຫອມບົ່ວແດງ 2 ຫົວ, ຊອຍບາງໆ
• ຫອມປ້ອມ 4 ກ້ານ, ຊອຍ
• ຫອມບົ່ວໃບ 4 ກ້ານ, ຊອຍ
• ຫອມເປ 4 ກ້ານ, ຊອຍ
• ຖົ່ວຍາວ 5 ໜ່ວຍ, ຊອຍບາງໆ
• ນ້ຳ ½ ລິດ, ໃຊ້ລວກປາ

ວິທີເຮັດ

1. ຄ້າງໝໍ້ໃສ່ນ້ຳ ຕົ້ມໃຫ້ຟົດ ແລະ ເອົາຕ່ອນປາລົງລວກປະມານ 3 ນາທີ ແລ້ວຕັກອອກໃສ່ຊາມກັບນ້ຳໜ້ອຍໜຶ່ງ. ແລ້ວປະໃຫ້ເຢັນລົງບຶດໜຶ່ງ

2. ແລ້ວໃສ່ເຄື່ອງປຸງທຸກຢ່າງລົງໄປ, ຄົນຄ່ອຍໆໃຫ້ເຂົ້າກັນດີ ແລ້ວ ຊີມລົດຊາດຕາມໃຈມັກ ແລ້ວຕັກເສີບໄດ້ເລີຍ.