2 ຄົນ · ງ່າຍ · 20 ນາທີ · ₭ ຖືກ

ເທື່ອນີ້ ເອົາໃຕໄກ່ ມາເຮັດ ສະລັດ ອອກແນວຝລັ່ງ, ນ້ຳສະຫລັດທີ່ ເຮັດຈາກວາຍແດງ ປະສົມ ປະສານກັບ ນ້ຳມັນ ແລະ ມາສຕາດ ຈັ່ງແມ່ນມັນເຂົ້າ ກັນດີ ກັບໃຕໄກ່ ທີ່ຂົ້ວຫອມໆນັ້ນ. ຈານນີ້ ເປັນ ອາປີໄຕເຊີ ຊັ້້ນຍອດເລີຍ :)

ເຄື່ອງປຸງ

• ໃຕໄກ່ 500 ກຣາມ, ແຕ່ລະອັນຊອຍເປັນສອງຕ່ອນ
• ຜັກສະຫລັດນ້ອຍ 100 ກຣາມ, ຈີກເຄິ່ງ
• ໝາກເລັ່ນ 2 ໜ່ວຍ, ຜ່າເປັນຫົກບີ້ງ
• ສາລີຕົ້ມສຸກ ½ ຖ້ວຍນ້ອຍ
• ນ້ຳມັນພືດ 1 ບ່ວງແກງ
• ກະທຽມ 4 ກີບ, ສັບລະອຽດ
• ເກືອ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ນ້ຳສົ້ມວາຍແດງ 2 ບ່ວງແກງ
• ມັສຕາດ 2 ບ່ວງແກງ
• ນ້ຳມັນພືດ 4 ບ່ວງແກງ
• ເກືອ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ

ວິທີເຮັດ

ຂັ້ນຕອນ 1. ຂົ້້ວກະທຽມໃສ່ນ້ຳມັນ ໃຫ້ຫອມແລ້ວເອົາ ໃຕໄກ່ລົງຂົ້້ວຈົນສຸກ ໃສ່ເກືອ ແລະ ພິກໄທ. ພັກໄວ້ໃຫ້ເຢັນ.

ຂັ້ນຕອນ 2. ກຽມນ້ຳສະຫລັດໃສ່ຊາມ: ໃສ່ ນ້ຳສົ້ມ ເກືອ ພິກໄທ ແລະ ມັສຕາດ ຕີໃຫ້ເຂົ້າກັນດີ ກ່ອນ ຕື່ມນ້ຳມັນພືດລົງ ຕີໃຫ້ເຂົ້າກັນອີກ.

ຂັ້ນຕອນ 3. ເອົາສະຫລັດ, ຫມາກເລັ່ນ, ສາລີ, ແລະ ໃຕໄກ່ລົງ ແລ້ວຄົນເບົາໃຫ້ເຂົ້າກັນ, ພ້ອມເສີບ. ແຊບ :)

ເຄັດລັບ: ຫ້າມຄົນສະຫລັດເວລາ ໄຕໄກ່ຍັງຮ້ອນຢູ່ ເພາະຈະເຮັດໃຫ້ ຜັກມາດ.