4 ຄົນ · ປານກາງ · 90 ນາທີ · ₭ ປານກາງ

'ອົບມັນຝລັ່ງບົດຍັດໄສ້' ເປັນອາຫານຝລັ່ງແນ່ນອນ. ແຕ່ລາວ ກະກິນໄດ້ກິນດີ ໂດຍສະເພາະເດັກນ້ອຍ ມັກແຮງ ກັບເມນູນີ້. ລອງໄປເຮັດສູ່ ລູກສູ່ ຜົວ ສູ່ເມຍ ກິນເດີ. ຮັບຮອງບໍ່ຜິດຫວັງ

ເຄື່ອງປຸງ

• ມັນຝລັ່ງ 10 ຫົວ, ຫົວກາງ ຫລືນ້ອຍ
• ເບີເຄັມ 3 ບ່ວງແກງ
• ນົມສົດຈືດ ½ ລິດ
• ເກືອ 1 ບ່ວງກາເຟ
• ພິກໄທດຳປົ່ນ 1 ບ່ວງແກງ
• ຊີ້ນງົວຟັກໃຫ້ມຸ່ນ 200 ກຣາມ
• ພາສລີ້ 2 ບ່ວງແກງ, ສັບລະອຽດ
• ເກັດເຂົ້າຈີ່ 4 ບ່ວງແກງ
• ນ້ຳມັນພືດ 2 ບ່ວງແກງ

ວິທີເຮັດ

ຂັ້ນຕອນ 1: ປອກມັນຝລັ່ງ ແລ້ວ ເອົາໄປຕົ້ມໃສ່ເກືອ ຫນ້ອຍຫນຶ່ງ ໃຫ້ສຸກ ແລ້ວ ຖອກນ້ຳອອກ.

ຂັ້ນຕອນ 2: ເອົາຈອງ ຫລື ໄມ້ ທຸບແລະນວດ ມັນຕົ້ມໃຫ້ມຸ່ນລະອຽດ.

ຂັ້ນຕອນ 3: ນຳໄປຄ້າງໃສ່ໄຟ ແລ້ວ ເອົາເນີຍ ແລະນົມລົງ ເຮັດໄຟອ່ອນ ຄົນໄປເລື້ອຍໆ ຈົນມັນແຂ້ນດີໃຫ້ປົງ.

ຂັ້ນຕອນ 4: ຄົນ ຊີ້້ນໃຫ້ເຂົ້າກັບ ພາສລີ່ ປຸງລົດດ້ວຍ ເກືອ ແລະ ພິກໄທໃຫ້ພໍດີ .

ຂັ້ນຕອນ 5: ກຽມຖາດແກ້ວທີ່ຈະເອົາເຂົ້າເຕົາອົບໄດ້, ທຳອິດ ເອົາມັນບົດລົງໄປກ່ອນ, ຕາມດ້ວຍຊີ້ນ, ແລະ ມັນບົດ. ເຮັດເປັນຊັ້ນຫນາປະມານ ຂໍ້ມືຫນຶ່ງ. ສະຫລັບກັນ ຈົນກວ່າມັນ ແລະຊີ້ນຫມົດ. ຊັ້ນສຸດທ້າຍໃຫ້ເປັນມັນປົກຫນ້າ. ໂຮຍເກັດເຂົ້້າຈີ່ປົກຫນ້າໃຫ້ທົ່ວ ແລະ ຕາມດ້ວຍນ້ຳມັນພືດໃຫ້ທົ່ວ.

ຂັ້ນຕອນ 6: ເອົາເຂົ້າເຕົາອົບ ໄຟ 180 ອົງສາ ປະມານ 40 ນາທີ ຫລື ຈົນກວ່າ ທາງຫນ້າມັນອອກສີນ້ຳຕານເຂັ້ມ. ຍົກເສີບໄດ້, ແຊບ !! ເມນູນີ້ ເດັກນ້ອຍມັກ :)