3 ຄົນ · ງ່າຍ · 20 ນາທີ · ₭ ຖືກ

ມື້ນີ້ ຊຸມ 'ຕຳເຂົ້າປຸ້ນໃສ່ຫມາກແຕງ' ກັບ ເອື້ອຍນ້ອງ ຢູ່ຫ້ອງການ. ຍາມພັກທ່ຽງໃຜ ພັກໃດ ຄິດຫຍັງບໍ່ອອກ ກະລອງເຮັດກິນເບິ່ງເນີ :)

ເຄື່ອງປຸງ

• ເສັ້ນເຂົ້າປຸ້ນ 2 ຫົວ, ຖ້າແມ່ນເຂົ້າປຸ້ນແຫ້ງໃຫ້ຕົ້ມກ່ອນ
• ໝາກແຕງ 1 ໜ່ວຍ, ຟັກ ແລະ ຊອຍ
• ກາລົດ 0.2 ຫົວ, ຟັກ ແລະ ຊອຍ
• ຫມາກເລັ່ນນ້ອຍ 3 ໜ່ວຍ
• ໃບກະທຽມ 2 ກ້ານ, ຕັດຕ່ອນປະມານ 2 ເຊັນ
• ໝາກກອກ 1 ໜ່ວຍ
• ຫມາກເຜັດດິບ 10 ໜ່ວຍ, ໃສ່ຫນ້ອຍຫລືຫລາຍຕາມໃຈ
• ກະທຽມ 1 ກີບ
• ກະປິ ½ ບ່ວງກາເຟ
• ນ້ຳຕານ 1 ບ່ວງແກງ
• ແປ້ງນົວ 1 ບ່ວງແກງ, ໃສ່ຫນ້ອຍຫລືຫລາຍຕາມໃຈ
• ນ້ຳໝາກນາວ 1 ບ່ວງແກງ
• ປາແດກ 1.5 ບ່ວງແກງ
• ນ້ຳໝາກຂາມປຽກ ½ ບ່ວງແກງ
• ຖົ່ວດິນຂົ້ວ 1 ບ່ວງແກງ

ວິທີເຮັດ

ຂັ້ນຕອນ 1. ນຳເອົາຫມາກເຜັດ+ກະທຽມແຫ້ງ+ກະປິ+ແປ້ງນົວ+ນ້ຳຕານ ໃສ່ຄົກແລ້ວຕຳໃຫ້ລະອຽດ

ຂັ້ນຕອນ 2. ຈາກນັ້ນໃສ່ນ້ຳຫມາກນາວ+ປາແດກ+ຫມາກເລັ່ນ+ຫມາກແຕງ+ກາລົດ+ໃບຜັກທຽມສົດ, ຕຳໃຫ້ເຂົ້າກັນ

ຂັ້ນຕອນ 3. ສຸດທ້າຍນຳເອົາເສັ້ນເຂົ້າປຸ້ນລົງ ຕຳພໍປະມານ ແລ້ວຊິມ ສາມາດປຸງເພິ້ມໄດ້ຕາມໃຈຫມັກ ຕັກໃສ່ຈານ, ຖົ່ວດິນໂຮຍ. ກິນກັບຜັກຕ່າງໆໄດ້. ແຊບ!