2 ຄົນ · ງ່າຍ · 20 ນາທີ · ₭ ຖືກ

'ທອດປີກໄກ່ (ສູດນີ້ງ່າຍທີ່ສຸດໃນສາມໂລກ)' ກະສົມຊື່ແທ້ໃດລະ. ເຮັດສູດງ່າຍໆ ແຕ່ ລົດຊາດເໜືອ ຮ້ານທອດໄກ່ ຊື່ດັງ ຂອງຕ່າງປະເທດພຸ້ນນ່າ.

ເຄື່ອງປຸງ

• ປີກໄກ່ 8 ຕ່ອນ
• ຄະນໍຜົງ 1 ບ່ວງກາເຟ
• ພິກໄທດຳປົ່ນ ¼ ບ່ວງກາເຟ
• ນ້ຳມັນພືດ 250 ມິນລີລິດ
• ແປ້ງທອດໂກກິ 2 ບ່ວງແກງ
• ຊ໊ອດໝາກເລັ່ນ 3 ບ່ວງແກງ, ໄວ້ຈ້ຳ

ວິທີເຮັດ

ຂັ້ນຕອນ 1. ເອົາປີກໄກ່ໃສ່ຄະນໍກັບພິກໄທເອືອບ ປະໄວ້ປະມານ 60 ນາທີ, ຖ້າບໍ່ມີເວລາເອືອບແມ່ນໃຫ້ ນວດປີກໄກ່ດົນຫນ້ອຍຫນຶ່ງເພື່ອໃຫ້ເຄື່ອງຊື່ມເຂົ້າປີກໄກ່.

ຂັ້ນຕອນ 2. ເອົານ້ຳມັນພືດ ໃສ່ຫມໍ້ແລ້ວເປີດໄຟໃຫ້ນ້ຳມັນຮ້ອນ. ຈາກນັ້ນເອົາແປ້ງໂຮຍໃສ່ປີກໄກ່ພໍໃຫ້ຕິດປີກ ແລ້ວເອົາລົງໃສ່ນ້ຳມັນທີ່ຮ້ອນ ແລ້ວຜ່ອນໄຟໃຫ້ອ່ອນ ພິກປີກໄກ່ໄປມາ ແລະ ຈືນຈົນກວ່າປີກໄກ່ຈະສຸກເຫລືອງ.

ຂັ້ນຕອນ 3. ເມື່ອປີກໄກ່ສຸກຕັກໃສ່ຈານ ກີນກັບຊອດຫມາກເລັ່ນ ຫລື ຊອດຫມາກເຜັດ.