2 ຄົນ · ປານກາງ · 30 ນາທີ · ₭ ປານກາງ

ໃຜມັກກິນເປັດແດ່? ມາມາ ເຮັດ 'ເອາະເປັດ' ກິນ, ຫອມປາແດກ ແລະ ຜັກຊີ ເຂົາກັນເຂົ້າກັນ. ໃຜມັກກະເລີ່ມລົງມືເຮັດຕາມສູດລຸ່ມນີ້ເລີຍເນີ

ເຄື່ອງປຸງ

• ເອິກເປັດ 200 ກຣາມ, ຕັດເປັນຕ່ອນນ້ອຍ
• ຫມາກເຂືອ 4 ໜ່ວຍ, ຜ່າ 4
• ຖົ່ວຍາວ 2 ໜ່ວຍ, ຕັດເປັນຕ່ອນປະມານ 2 ເຊັນ
• ເຫັດຫູໜູ (ເຫັດສະໜຸ່ນ) 5 ຕ່ອນ, ແຊ່ນ້ຳກ່ອນ ປະມານ 1 ຊມ ລະກະຊອຍເປັນຕ່ອນກ່ອນໃສ່ຫມໍ້
• ຫອມບົ່ວແດງ 4 ຫົວ
• ກະທຽມ 5 ກີບ
• ຫມາກເຜັດດິບ 4 ໜ່ວຍ, ໜ້ອຍຫລາຍຕາມໃຈ
• ຫອມບົ່ວໃບ 3 ກ້ານ, ຊອຍຕ່ອນນ້ອຍ
• ຜັກຊີສົດ 1 ມັດ, ຊອຍຕ່ອນນ້ອຍ
• ປາແດກ 1.5 ບ່ວງແກງ
• ແປ້ງນົວ 1 ບ່ວງກາເຟ
• ເກືອ ½ ບ່ວງກາເຟ
• ເຂົ້າເບືອ 1 ບ່ວງແກງ
• ນ້ຳມັນພືດ 1 ບ່ວງແກງ
• ນ້ຳ 1.5 ຖ້ວຍນ້ອຍ

ວິທີເຮັດ

ຂັ້ນຕອນ 1. ຕຳກະທຽມ, ຫອມບົ່ວແດງ ແລະ ໝາກເຜັດໃສ່ນຳກັນ ແລ້ວຂົ້ວໃສ່ນ້ຳມັນ ໃຫ້ຫອມ ແລ້ວເອົາເປັດລົງຂົ້ວໃສ່ກັນ ໃຫ້ຊີ້ນຫັນ. ຕື່ມ ປາແດກເຄິ່ງຫນຶ່ງ+ນ້ຳ+ໝາກເຂືອໍ ແລະ ເຂົ້າເບືອລົງ ຕົ້ມຈົນສຸກ ແລະ ໝັ່ນຄົນ ເພື່ອບໍ່ໃຫ້ຕິດໝໍ້.

ຂັ້ນຕອນ 2. ໃສ່ເຫັດຫູ ແລະ ໝາກຖົ່ວ ຕົ້ມປະມານ 5ນາທີ ຫລືຈົນເຫັດສຸກ.

ຂັ້້ນຕອນ 3. ໃສ່ປາແດກເພີ່ມ ແລະ ເກືອ. ຊີມລົດຊາດ ແລະ ເອົາ ຫອມບົ່ວ ແລະຜັກຊີລົງ. ປົງເສີບໄດ້