4 ຄົນ · ປານກາງ · 60 ນາທີ · ₭ ປານກາງ

ໃຜທີ່ມັກແຫ້ນຕີນລອງເຮັດເມນູນີ້ເບິ່ງ, ຂັ້້ນຕອນງ່າຍໆ ແລະ ລົດຊາດຫອມເຄື່ອງເທດ. ກິນໄດ້ ເປັນຂອງກິນຫລິ້້ນ ຫລື ກັບເຂົ້າກະໄດ້. ເດັກນ້ອຍບໍ່ມັກແຫ້ນຕີນ ແຕ່ ກິນໄຂ່ຕຸ໋ນກະໄດ້.

ເຄື່ອງປຸງ

• ຕີນໝູ 1 ກິໂລ, ຕັດເປັນຕ່ອນພໍດີຄຳ
• ໄຂ່ຕົ້ມ 5 ໜ່ວຍ, ປອກເປືອກໄວ້
• ຂີງສົດ 10 ປ່ຽງ
• ດອກໂປຍກັ໊ກ 2 ດອກ
• ອົບເຊີຍແທ່ງ 1 ແທ່ງ
• ຜົງອົບເຊີຍ 1 ບ່ວງກາເຟ
• ກຣານພູ 4 ດອກ
• ໝາກມາດ 1 ບ່ວງກາເຟ
• ຮາກຜັກຫອມປ້ອມ 4 ຮາກ
• ແກ່ນຜັກຫອມປ້ອມ 1 ບ່ວງກາເຟ
• ເມັດພິກໄທດຳ 1 ບ່ວງກາເຟ
• ເມັດພິກໄທຂາວ 1 ບ່ວງກາເຟ
• ຫອມບົ່ວແດງ 6 ຫົວ, ຊອຍບາງ
• ກະທຽມ 10 ກີບ, ຊອຍບາງ
• ສະອິ້ວດຳ 3 ບ່ວງແກງ
• ສະອິ້ວຫວານ 3 ບ່ວງແກງ
• ສະອິ້ວ 1 ບ່ວງກາເຟ
• ສະອິ້ວຂາວ 2 ບ່ວງແກງ
• ນ້ຳມັນຫອຍ 2 ບ່ວງແກງ
• ນ້ຳຕານ 4 ບ່ວງແກງ
• ນ້ຳມັນພືດ 2 ບ່ວງແກງ
• ນ້ຳ 1.5 ລິດ

ວິທີເຮັດ

ຂັ້ນຕອນ 1. ເອົານ້ຳມັນໃສ່ໝໍ້ທີ່ຈະຕຸນ, ຂົ້ວ ຂີງ+ໂປຍກັ໊ກ+ອົບເຊີຍແທ່ງ+ອົບເຊີຍຜົງ+ການພູ+ໝາກມາດ+ພິກໄທດຳ+

ພິກໄທຂາວ+ຮາກຫອມປ້ອມ +ຫອມບົ່ວແດງ+ ແລະ ກະທຽມ ຈົນຫອມເຫລືອງ ແລ້ວຕື່ມນ້ຳລົງ.

ຂັ້ນຕອນ 2. ພໍນ້ຳຟົດໃສ່ຕີນໝູ ແລະ ປຸງລົດດ້ວຍ ສະອິ້ວຂາວ ສະອິ້ວຫວານ ສະອິ້ວດຳ ສະອິ້ວຝາຂຽວ ນ້ຳມັນຫອຍ ແລະ ນ້ຳຕານ. ຊີມ

ລົດຊາດຕາມໃຈມັກ (ປຸງລົດໃຫ້ອ່ອນໜ້ອຍໜຶ່ງເພາະນ້ຳຍັງຊິແຫ້ງຢູ່). ແລະຕຸນໄຟອ່ອນປະມານ 30 ນາທີ.

ຂັ້ນຕອນ 3. ເອົາໄຂ່ຕົ້ມລົງ ແລະ ຕຸ໋ນຕໍ່ປະມານ 15 ຫາ 20 ນາທີ ຫລື ຈົນກວ່າໄຂ່ ອອກເປັນສີນ້ຳຕານ. ຊີມລົດຕື່ມ ແລະ ຕັກເສີບໄດ້.