1 ຄົນ · ງ່າຍ · 30 ນາທີ · ₭ ປານກາງ

'ຍຳຊີ້ນ ຫົວສີໄຄ' ເປັນເມນູກັບແກ້ມ ຍອດຮິດ ອີກຈານໜຶ່ງ. ຊອກຫາກິນໄດ້ ຕາມຮ້ານຕາມສັ່ງ. ແຕ່ມື້ນີ້ ມາເຮັດກິນເອງຢູ່ບ້ານເບິ່ງ. ເບິ່ງສູດລຸ່ມນີ້ລະເລີ່ມເລີຍ :)

ເຄື່ອງປຸງ

• ຊີ້ນງົວສຳລັບສະເຕັກ 200 ກຣາມ, ເປັນຊີ້ນຕ່ອນສ່ວນອື່ນກະໄດ້
• ຫອມບົ່ວແດງ 2 ຫົວ, ຊອຍບາງ
• ກະທຽມດອງ 1 ຫົວ, ຊອຍບາງ
• ກະທຽມສົດ 4 ກີບ, ຊອຍບາງ
• ຫອມປ້ອມຊອຍ 2 ບ່ວງແກງ
• ຫອມບົ່ວໃບຊອຍ 2 ບ່ວງແກງ
• ໝາກເລັ່ນ 1 ໜ່ວຍ, ຊອຍບາງ
• ເຜັດດິບ 3 ໜ່ວຍ
• ຫົວສີໄຄ 4 ກ້ານ, ຊອຍບາງໆ
• ເກືອ ½ ບ່ວງກາເຟ
• ແປ້ງນົວ ½ ບ່ວງກາເຟ
• ນ້ຳຕານ 2 ບ່ວງແກງ, ລະລາຍໃນນ້ຳຮ້ອນໃຫ້ມັນເປື່ອຍກ່ອນ
• ນ້ຳປາ 1 ບ່ວງແກງ
• ນ້ຳໝາກນາວ 2 ບ່ວງແກງ
• ຊ໊ອດໝາກເຜັດ 1 ບ່ວງແກງ

ວິທີເຮັດ

1. ປີ້້ງຊີ້ນພໍໃຫ້ສຸກ ແລະ ຊອຍບາງປະໄວ້

2. ເຮັດນ້ຳຍຳ: ເອົານ້ຳຕານໄປລະລາຍໃນນ້ຳຮ້ອນກ່ອນ, ແລ້ວເອົາມາບົດກັບ ກະທຽມ, ໝາກເຜັດ, ເກືອ, ນ້ຳປາ, ແປົ້ງນົວ, ບີບໝາກນາວໃສ່ ແລະ ຊີມລົດຊາດຕາມໃຈມັກ.

3. ເອົາຊີ້ນໃສ່ຊາມ ຫລື ຖ້ວຍໃຫຍ່ ແລ້ວ ເອົາຫົວສີໄຄ, ຫົວບົ່ວ, ກະທຽມດອງ,ໝາກເລັ່ນ, ພ້ອມ ຜັກຫອມທັງໝົດລົງ ພ້ອມຖອກນ້ຳຍຳໃສ່, ຕາມດ້ວຍ ຊ໊ອດໝາກເຜັດສີລາຊາ ຄົນໃຫ້ເຂົ້າກັນ ຊີມລົດຊາດ ຕັກເສີບ. ແຊບ!