2 ຄົນ · ງ່າຍ · 20 ນາທີ · ₭ ຖືກ

ເວລາ ຕັ້ງວົງກັບໝູ່ ແລ້ວຄິດບໍ່ອອກວ່າຊິເຮັດຫຍັງ ແກ້ມດີ ລອງນີ້ເບິ່ງ 'ຍຳຜັກກາດດອງຂີ້ເຫລົ້າ' ຮັບຮອງແຊບ. ມາເລີ່ມລົງມືກັນເລີຍ ສູດຢູ່ລຸ່ມ:

ເຄື່ອງປຸງ

• ຜັກກາດດອງ (ກະປ໋ອງ) 1 ຖ້ວຍນ້ອຍ, ຊອຍພໍດີຄຳ
• ຢໍ່ໝູ 4 ບ່ວງແກງ, ຊອຍພໍດີຄຳ
• ກະທຽມສົດ 4 ກີບ, ຊອຍບາງໆ
• ເຜັດດິບ 4 ໜ່ວຍ, ຊອຍບາງໆ
• ຫອມບົ່ວແດງ 2 ຫົວ, ຊອຍບາງໆ
• ຫອມບົ່ວໃຫຍ່ ½ ຫົວ, ຊອຍບາງໆ
• ຊ໊ອດໝາກເລັ່ນ 2 ບ່ວງແກງ
• ໝາກນາວ 1 ປ່ຽງ, ບີບເອົາແຕ່ນ້ຳ
• ນ້ຳປາ ½ ບ່ວງແກງ
• ນ້ຳຕານ 1 ບ່ວງກາເຟ
• ກຸ້ງແຫ້ງ 2 ບ່ວງແກງ
• ຫອມບົ່ວໃບຊອຍ 1 ບ່ວງແກງ
• ຜັກເຊນາລີ 1 ບ່ວງແກງ

ວິທີເຮັດ

1. ເຮັດນ້ຳຍຳກ່ອນ: ເອົາກະທຽມ, ໝາກເຜັດ, ຫົວບົ່ວແດງ, ຊ໊ອດໝາກເລັ່ນ, ໝາກນາວ, ນ້ຳປາ, ນ້ຳຕານ ລົງ ໃນຊາມ ຄົນໃຫ້ເຂົ້າກັນ.

2. ເອົາ ຜັກກາດດອງລົງພ້ອມກັບ ກຸ້ງແກ້ງໍ+ຢໍ່+ຫອມບົ່ວໃບ+ ແລະ ຜັກເຊນາລີລົງ. ຄົນໃຫ້ເຂົ້າກັນ ຊີມລົດຊາດຕາມໃຈມັກ ແລ້ວເສີບ.