2 ຄົນ · ງ່າຍ · 10 ນາທີ · ₭ ຖືກ

ຈືນໄຂ່ດາວ ໄຂ່ແຜ່ນ ກະກິນປະຈຳລະ. ມື້້ນີ້ລອງໃສ່ຜັກຊີເບິ່ງແມ້ ຮັບຮອງໄດ້ລົດຊາດແຊບ ໄປອີກແບບ. ຄັນຫິວ ກະເລີ່ມແຕ່ງເລີຍ ກັບສູດງ່າຍລຸ່ມນີ້ :)

ເຄື່ອງປຸງ

• ໄຂ່ໄກ່ 4 ໜ່ວຍ
• ຫອມບົ່ວແດງ 3 ຫົວ, ສັບລະອຽດ
• ກະທຽມ 2 ກີບ, ສັບລະອຽດ
• ເຜັດດິບ 3 , ຊອຍນ້ອຍ
• ຜັກຊີສົດ 1 ມັດ, ຊອຍນ້ອຍ
• ເກືອ ½ ບ່ວງກາເຟ
• ສະອິ້ວ 1 ບ່ວງກາເຟ
• ນ້ຳຕານ ½ ບ່ວງກາເຟ

ວິທີເຮັດ

1. ຕີໄຂ່ໃສ່ຖ້ວຍ ພ້ອມກັບຜັກຊີ, ປຸງລົດດ້ວຍເກືອ, ນ້ຳຕານ, ສະອິ້ວ, ແລະ ບີບໝາກນາວໃສ່ 3 ຢອດ(ໃສ່ໃຫ້ໄຂ່ຟູຂຶ້ນກວ່າເກົ່າ). ຕີໃຫ້ເຂົ້າກັນ.

2. ຄ້າງໝໍ້ ຂົ້ວກະທຽມ ແລະ ຫົວບົ່ວແດງໃຫ້ຫອມ ເຫລືອງ (ເລັ່ງໄຟຂຶ້້ນ) ແລ້ວເອົາ ໄຂ່ທີ່ຕຽມໄວ້ລົງ ຕາມດ້ວຍໝາກເຜັດ. ພໍສຸກໃຫ້ປີ້ນດ້ານ(ຈືນດ້ານລະປະມານ 10 ວິນາທີ ) . ຄວນເສີບຮ້ອນໆ ກິນກັບເຂົ້າໜຽວ ຫລືເຂົ້າຈ້າວ. ແຊບ!