6 ຄົນ · ປານກາງ · 30 ນາທີ · ₭ ປານກາງ

ຫລາຍຄົນ ຮູ້ຈັກຜັດໄທ ແນ່ນອນ ຫາກິນໄດ້ງ່າຍ. ແຕ່ຊິບໍ່ງ່າຍ ແລະ ສະໜຸກກວ່າ ບໍ່ ຖ້າເຮົາ ລອງມາເຮັດກິນ ເອງເບິ່ງ. ສູດງ່າຍໆ ແບບນີ້ເລີຍ

ເຄື່ອງປຸງ

ສ່ວນປະກອບ ນ້ຳປຸງຜັດໄທ

• ນ້ຳໝາກຂາມປຽກ 3 ບ່ວງແກງ
• ນ້ຳຕານປີ໊ບ 2 ບ່ວງແກງ
• ນ້ຳປາ 1 ບ່ວງແກງ
• ນ້ຳ 6 ບ່ວງແກງ

ເຄື່ອງປຸງເສັ້ນ

• ເສັ້ນເຝີແຫ້ງ 100 ກຣາມ
• ກຸ້ງໂຕໃຫຍ່ 5 ໂຕ, ປອກເປືອກ
• ໄຂ່ໄກ່ 1 ໜ່ວຍ
• ຫອມບົ່ວແດງ 2 ຫົວ, ຊອຍບາງໆ
• ຖົ່ວງອກ ½ ຖ້ວຍນ້ອຍ
• ຜັກກຸ້ຍຊ່າຍ ½ ຖ້ວຍນ້ອຍ, ຕັດເປັນຕ່ອນ
• ນ້ຳ ½ ຖ້ວຍນ້ອຍ, ເອົາໄວ້ ໃສ່ຕອນ ຂົ້້ວເສັ້ນ ໃຫ້ອ່ອນ

ເຄື່ອງຄຽງ

• ຖົ່ວດິນຂົ້ວ 1 ບ່ວງກາເຟ, ຕຳມຸ່ນ
• ເຜັດຜົງ 1 ບ່ວງກາເຟ
• ໝາກນາວ 1 ປ່ຽງ
• ໝາກປີ 1 ຕ່ອນ

ວິທີເຮັດ

1. ເຮັດນ້ຳ ປຸງຜັດໄທ

- ຄ້າງໝໍ້ ໃສ່ ນ້ຳຕານ, ໝາກຂາມປຽກ, ນ້ຳປາ, ນ້ຳດື່ມ. ຕົ້ມໃຫ້ຟົດ ແລ້ວ ມອດໄຟ ປະໄວ້

2. ຄ້າງໝໍ້ ກະທະ ໃສ່ນ້ຳມັນ ໃຫ້ ຮ້ອນ ຂົ້ວ ຜັກບົ່ວແດງ ໃຫ້ເຫລືອງຫອມ. ຈາກນັ້ນໃສ່ ເສັ້ນເຝີ ລົງໄປຂົ້້ວ ແລ້ວ ໃສ່ນ້ຳ ໃຫ້ ເກືອບຖ້ວມ ເສັ້ນ. ( ຖ້າເປັນເສັ້ນ ແຫ້ງໃຫ້ ແຊ່ນ້ຳ 20 ນາທີ ກ່ອນ)

3. ພໍເສັ້ນ ເລີ່ມອ່ອນ ໃຫ້ ໃສ່ ນ້ຳປຸງ ຜັດໄທລົງໄປ ຄົນໃຫ້ເຂົ້າກັນ ແລ້ວ ປ່ອຍໃຫ້ ນ້ຳແຫ້ງລົງ.

4. ໃຊ້ຕະຫລິວ ຍັບໆ ຜັດໄທ ໄປແຄມໝໍ້. ໃສ່ນ້ຳມັນ ໜ້ອຍໜຶ່ງ ບ່ອນຫວ່າງກະທະ ແລ້ວໃສ່ ກຸ້ງລົງ ໄປ ຂົ້ວໃຫ້ສຸກ ແລ້ວ ຍັບ ໄປຕິດກັບ ຜັດໄທ.

5. ໃສ່ໄຂ່ ລົງບ່ອນຫວ່າງ ຄົນໃຫ້ແຕກ, ຂົ້້ວໃຫ້ສຸກ ແລ້ວ ຄົນເຂົ້້າ ກັນກັບ ເສັ້ນ ແລະ ກຸ້ງ ທັງໝົດ.

6. ຊີມລົດຊາດ ໃຫ້ ພໍດີ ແລ້ວ ໃສ່ຖົ່ວງອອກ ແລະ ຜັກ ກຸ້ຍຊ່າຍ ລົງໄປ. ຂົ້ວໃຫ້ເຂົ້າດີ ແລ້ວ ຕັກໃສ່ ຈານ. ໂຮຍຖົ່ວດິນ ແລະ ເຜັດຜົງໃສ່ ພ້ອມແຊບ ໄດ້ :)

ເຄັດລັບ: ເສີບພ້ອມ ຫົວປີ ອ່ອນ ກິນ ກັບ ແຮ່ງແຊບເດີ. ຢ່າລືມ ໃຜມັກສົ້ມ ໃຫ້ ບີບ ໝາກນາວໃສ່ ກ່ອນກິນ.