4 ຄົນ · ປານກາງ · 40 ນາທີ · ₭ ປານກາງ

ຢໍ່ຈືນ ມີຢູໍທຸກພາກໃນຫວຽດນາມ ລະກະລາມ ມາລາວ. ຫລາຍຄົນເຮັດເປັນ ຫລາຍຄົນກະເຮັດບໍ່ເປັນ. ຄັນຊັ້ນ ກະລອງເຮັດສູດນີ້້ເບິ່ງເດີ. ບາງທີແຊບຈົນໄດ້ຂາຍກະມີ :)

ເຄື່ອງປຸງ

• ແຜ່ນຢໍ່ຈືນ (ຫລືແຜ່ນປໍເປ້ຍ) 20 ອັນ
• ກະລ່ຳຊອຍ 2 ບ່ວງແກງ
• ຫົວກາລົດຊອຍ 1 ບ່ວງແກງ
• ມັນຝລັ່ງຊອຍ 2 ບ່ວງແກງ
• ເຫັດຫູໜູ (ເຫັດສະໜຸ່ນ) 1 ບ່ວງແກງ, ຊອຍນ້ອຍ
• ເສັ້ນລ້ອນ ½ ຖົງນ້ອຍ, ແຊ່ນ້ຳແລະຕັດຕ່ອນ
• ຖົ່ວງອກ 2 ບ່ວງແກງ
• ຊີ້ນໝູບົດສົດ 300 ກຣາມ
• ໄຂ່ໄກ່ 2 ໜ່ວຍ
• ກະທຽມ 4 ກີບ, ສັບລະອຽດ
• ຫອມບົ່ວແດງ 4 ຫົວ, ສັບລະອຽດ
• ຜົງປຸງລົດ ½ ບ່ວງແກງ
• ນ້ຳມັນຫອຍ 2 ບ່ວງແກງ
• ສະອິ້ວ 2 ບ່ວງແກງ
• ນ້ຳຕານ ½ ບ່ວງແກງ
• ນ້ຳມັນພືດ 2 ບ່ວງແກງ, ໝັກໃສ່ກັບຊີ້ນ
• ນ້ຳມັນພືດ 1 ລິດ, ໄວ້ຈືນ

ວິທີເຮັດ

1. ປະສົມ ຊີ້້ນ ກາລົດ, ກະລ່ຳ, ມັນຝລັ່ງ, ເຫັດຫູໜູ, ເສັ້ນລ້ອນ, ຖົ່ວງອກ, ກະທຽມ, ແລະ ຫົວບົ່ວເຂົ້ານຳກັນ. ໃສ່ເຄື່ອງປຸງທັງໝົດລົງ. ນວດໃຫ້ເຂົ້າກັນດີ ແລະ ຊີມໂດຍກາຍຕັກເອົາບ່ວງຫນຶ່ງໄປໃສ່ ໄມໂຄເວັບ. ຖ້າພໍດີແລ້ວໃຫ້ເລີ່ມ ຫໍ່.

2. ວິທີຫໍ່ແມ່ນ ເອົາແຜ່ນຢໍ່ ໄປຈຸ່ມນ້ຳໃຫ້ປຽກ ແລ້ວ ວາງລົງ ຂຽງ ຫລື ຖາດລຽບ, ຕັກຊີ້ນໃສ່ ແລ້ວ ພັບເຂົ້າ, ທາງ ຊ້າຍ-ຂວາ ແລ້ວ ລິ້້ງ ໄປຈົນສຸດ.

3: ຄ້າງໝໍ້ ໃຫ້ນຳມັນຮ້ອນ ທອດໄຟກາງ ໃຫ້ເຫລືອງ ແລ້ວ ຕັກອອກເສີບ ກິນກັບແຈ່ວ ຫລື ຜັກພັນ ແລະ ເຂົ້າປຸ້ນ ກະໄດ້.