4 ຄົນ · ຍາກ · 630 ນາທີ · ₭ ປານກາງ

ຊີ້ນຫລອດ ມັນຄືຊີ້ນແຫ້ງ ດີດີນີ້ເອງ, ສົງໄສ ມັນມີຮູບຊົງຄືຫລອດ ເລີຍເອີ້ນ ຊີ້ນຫລອດເນາະ. ແຕ່ລະຄົນກະເອືອບຕ່າງກັນ ແລ້ວ ແຕ່ຜູ້ມັກ ດອກວ່າ. ຖ້າມັກສູດນີ້ ກະລອງໄປເຮັດເບິ່ງເດີ.

ເຄື່ອງປຸງ

• ຊີ້ນງົວ 1 ກິໂລ
• ກະທຽມ 10 ກີບ
• ຂີງ 2 ປ່ຽງ
• ງາຂາວ 2 ບ່ວງແກງ
• ນ້ຳຕານ 2 ບ່ວງແກງ
• ເກືອ ½ ບ່ວງແກງ
• ສະອິ້ວຂາວ 2 ບ່ວງແກງ
• ນ້ຳມັນພືດ

ວິທີເຮັດ

ຂັ້ນຕອນ1: ຊອຍຊີ້ນເປັນດິ້ວຍາວ ປະມານ 8 ຊັງຕີແມັດ

ຂັ້ນຕອນ 2: ປອກກະທຽມ, ແລະຊອຍຂີງເປັນລູກເຕົາ ແລະ ຕຳເຄື່ອງທັງຫມົດໃສ່ຄົກໃຫ້ແຫລກ.

ຂັ້ນຕອນ 3: ຄົນເຄື່ອງທີ່ຕຳໃສ່ຊາມຊີ້ນ , ຕາມດ້ວຍ ນ້ຳຕານ ເກືອ, ສະອິ້ວຂາວ, ແລະ ງາຂາວ ແລ້ວ ຄົນເຂົ້າກັນ ປະມານ 10ນາທີ

ຂັ້ນຕອນ 4: ນຳຊີ້ນອອກມາລຽງໃສ່ ຖາດ ແລ້ວນຳອອກຕາກແດດ ປະມານ 3 ຊົ່ວໂມງ ແລະ ອີກ 3 ຊມ ໃຫ້ ພິກອີກດ້ານເພື່ອໃຫ້ແຫ້ງ

ຂັ້ນຕອນ 5: ຫລັງຈາກຊີ້ນແຫ້ງແລ້ວໃຫ້ນຳມາທອດໃສ່ນ້ຳມັນຮ້ອນໄຟກາງ ໃຫ້ສຸກ ພ້ອມເສີບກັບເຂົ້າຫນຽວ ກັບແຈ່ວໝາກເຜັດດິບ. ແຊບໄປອີກ :)