4 ຄົນ · ງ່າຍ · 80 ນາທີ · ₭ ແພງ

ປ່ຽນຈາກ ສະເຕັກ ປາແຊວມ່ອນ ມາເປັນ ແບບປິີ້ງ. ສູດນີ້ ຮັບຮອງແຊບ ກິນກັບເຂົ້າຈ້າວເດີ. ລະຢ່າລືມເອົານ້ຳຊ໊ອສເຫລືອຫັ້ນ ໄປຕົ້້ມ ແລ້ວ ເອົາມາລາດໃສ່ເຂົ້້າກັບປີ້ງກ່ອນກິນ. ຂໍບອກ ຟິນ:)

ເຄື່ອງປຸງ

• ປາແຊວມ່ອນເປັນຕ່ອນ 800 ກຣາມ, ຕັດເປັນຕ່ອນສີ່ລ່ຽມພໍດີໄມ້ສຽບ
• ໝາກນາວເຫລືອງ 2 ໜ່ວຍ, ຫນ່ວຍຫນຶ່ງ ໄວ້ ບີບນ້ຳໃສ່ເວລາໝັກ, ອີກໜ່ວຍໃສ່ໄວ້ສຽບປີ້ງ
• ເກືອ 2.5 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ຜົງກະລີ່ 1 ບ່ວງແກງ
• ນ້ຳມັນໝາກກອກ 10 ບ່ວງແກງ
• ກະທຽມສົດ 3 ກີບ, ສັບລະອຽດ

ວິທີເຮັດ

1. ໃສ່ເຄື່ອງປຸງລົງໃນຊາມ ເຊັ່ນ ກະທຽມສັບ, ເກືອ, ພິກໄທ, ຜົງກະລີ່, ໝາກນາວ, ຕີໃຫ້ເຂົ້າກັນກ່ອນ ແລ້ວ ຖອກນ້ຳມັນ ໝາກກອກໃສ່ ແລະຕີໃຫ້ເຂົ້າກັນດີອີກເທື່ອຫນຶ່ງ

2. ເທປາລົງຊາມ ແລ້ວຄົນໃຫ້ຊ໊ອດຊຶມເຂົ້າປາ ຈາກນັ້ນ ປິດໄວ້ ແລ້ວເກັບໃນຕຼ້ເຢັນປະມານ 1 ຫາ 2 ຊົ່ວໂມງ.

3. ນ້ຳມາສຽບໃສ່ໄມ້ ຂັ້ນດ້ວຍ ໝາກນາວ ແລະ ເອົາໄປປີ້ງໄຟກາງ ແລະປີ້ນ ໄປປີ້ນມາ ປະມານ 10 ນາທີ ທັງໝົດ ໃຫ້ພໍດີສຸກ, ຫ້າມໃຫ້ສຸກຫລາຍ ເພາະເນື້ອປາຈະແຫ້ງ.

4. ນ້ຳ ຊ໊ອດທີ່ເຫລືອ ເອົາ ມາຕົ້ມໃຫ້ຟົດບຶດຫນຶ່ງ ແລະ ເອົາໃສ່ຖ້ວຍ ໄວ້ລາດໜ້າ ຕອນເສີບ.

ເຄັດລັບ: ທານ້ຳມັນໃສ່ ຕາໜ່າງປີ້໊ງກ່ອນ ປາຈຶ່ງຈະບໍ່ຕິດ