4 ຄົນ · ງ່າຍ · 30 ນາທີ · ₭ ຖືກ

ແຈ່ວໝາກເຂືອ ກິນຍາມໃດກະໄດ້ ຍິ່ງໄດ້ກິນ ກັບເຂົ້າໜຽວຮ້ອນໆນີ້ ແມ່ນ ຄວາມແຊບລະດັບ ສິບ :) ບໍ່່ຕ້ອງຖ້າເຮັດກິນໂລດ.

ເຄື່ອງປຸງ

• ຫມາກເຂືອ 4 ໜ່ວຍ, ໃຊ້ຫນ່ວຍສີມ່ວງກະໄດ້
• ຫອມບົ່ວແດງ 4 ຫົວ
• ກະທຽມ 5 ກີບ
• ເຜັດດິບ 18 ໜ່ວຍ, ເພີ່ມລົດໄດ້ຕາມໃຈມັກ
• ຫອມບົ່ວໃບ 2 ກ້ານ, ຊອຍນ້ອຍ
• ຫອມປ້ອມ 1 ມັດ, ຊອຍນ້ອຍ
• ເກືອ 1 ບ່ວງກາເຟ
• ນ້ຳຕານ ½ ບ່ວງກາເຟ
• ແປ້ງນົວ ½ ບ່ວງກາເຟ
• ນ້ຳປາ ½ ບ່ວງແກງ

ວິທີເຮັດ

1. ຈີ່ຫົວຜັກບົ່ວ+ກະທຽມ+ໝາກເຜັດ+ ໝາກເຂືອໃຫ້ສຸກ. ສັງເກດບີບເບິ່ງ ມັນຈະອ່ອນ ແລະ ໃຫ້ເປືອກທາງນອກອອກໄຫມ້ຫນ້ອຍຫນຶ່ງ ເພື່ອກິ່ນຫອມ.

2. ປອກເປືອກ ຫົວບົ່ວ+ກະທຽມ+ໝາກເຂືອ ອອກ ແລ້ວປະໄວ້ຈານ.

3. ຕຳຫົວບົ່ວ+ກະທຽມ+ໝາກເຜັດທີ່ຈີ່ນັ້ນ ໃສ່ຄົກ ກັບເກືອ+ນ້ຳຕານ+ແປ້ງນົວ(ບໍ່ໃສ່ກະໄດ້). ພໍມັນແຫລກໃສ່ ໝາກເຂືອລົງໄປຕຳຈົນແຫລກເຂົ້າກັນດີ. ໃສ່ນ້ຳປາ ແລະ ຜັກຫອມປ້ອມຊອຍ. ຊີມລົດຊາດ ແລ້ວເສີບ ບ່າຍເຂົ້າຫນຽວຮ້ອນ ແລະ ຊີ້ນແຫ້ງຫນຶ້້ງໄດ້ເລີຍ.