2 ຄົນ · ງ່າຍ · 15 ນາທີ · ₭ ຖືກ

ຍາມທ້າຍເດືອນ ເໝາະສຸດ ກັບ ເມນູນີ້. 'ປ໋ອງປາ' ເພື່ອນຊ່ອຍຊີວິດ ໃຫ້ລອດພົ້ນ ຈາກຄວາມຫິວ. ແທນທີ່ຊິແກະ ລະກະກິນ, ລອງມາປ່ຽນ ໜ້ອຍໜຶ່ງໃຫ້ມັນແຊບກວ່າເກົ່າເບິ່ງດຸ :)

ເຄື່ອງປຸງ

• ປ໋ອງປາ 1 ອັນ, ຍີ່ຫໍ້ໃດກະໄດ້
• ຫອມບົ່ວແດງ 2 ຫົວ, ຊອຍບາງ
• ກະທຽມ 2 ກີບ, ຊອຍບາງ
• ເຜັດດິບ 5 ໜ່ວຍ, ສັບເປັນຕ່ອນບໍ່ມຸ່ນປານໃດ
• ຫອມປ້ອມຊອຍ 1 ບ່ວງກາເຟ
• ຫອມບົ່ວໃບຊອຍ 1 ບ່ວງກາເຟ
• ເຜັດຜົງ 1 ບ່ວງກາເຟ
• ນ້ຳຕານ 1 ບ່ວງກາເຟ
• ນ້ຳປາ ½ ບ່ວງກາເຟ
• ນ້ຳມັນພືດ 1 ບ່ວງແກງ

ວິທີເຮັດ

1. ນຳຫອມບົ່ວແດງ+ກະທຽມ+ ແລະຫມາກເຜັດຊອຍ ໄປຂົ້ວໃຫ້ເຫລືອງຫອມ

2. ແກະປາກະປ໋ອງ ເທລົງກະທະ ແລ້ວຂົ້ວໃຫ້ເຂົ້າກັນ. ຈົນນ້ຳເລີ່ມແຫ້ງ.

3. ໃສ່ນ້ຳຕານ, ນ້ຳປາ ຄົນໄວໆ, ຊີມໃຫ້ພໍດີ ແລະປົງ.

4. ໂຮຍຫນ້າດ້ວຍຫອມປ້ອມ ແລະ ເຜັດຜົງ ກິນກັບເຂົ້້າຂ້າວຮ້ອນໆ ແຊບ.