2 ຄົນ · ງ່າຍ · 40 ນາທີ · ₭ ຖືກ

ມາໆ ແຫ້ນຕີນ ນຳນ້ອງບໍ່? ໝາຍເຖິງ ຕີນໄກ່ຫັ້ນນາ. ບອກຄຳດຽວ ສາວົກ ຕີນໄກ່ບໍ່ຄວນພາດ ເມນູນີ້. ໂດຍສະເພາະ ຍາມ ຊຸມກັນກິນ ນ້ຳລຳໄຍ. ແມ່ນຕ້ອງໄດ້ຊົດ :)

ເຄື່ອງປຸງ

• ຕີນໄກ່ 10 ຕ່ອນ
• ຂ່າຊອຍ 5 ຕ່ອນ
• ຫອມບົ່ວແດງ 5 ຫົວ, ທຸບພໍໃຫ້ແຕກ
• ຫົວສີໄຄ 2 ກ້ານ
• ໝາກຂາມປຽກ 2 ບ່ວງແກງ
• ໝາກເຜັດຂີ້ໜູ 10 ໜ່ວຍ, ໃສ່ຕາມໃຈມັກ, ຕຳໄວ້ໃສ່ຕອນທ້າຍ
• ເກືອ ½ ບ່ວງແກງ
• ແປ້ງນົວ 1 ບ່ວງກາເຟ
• ນ້ຳປາ 1.5 ບ່ວງແກງ
• ໝາກນາວ 1 ປ່ຽງ
• ຫອມເປຊອຍ 2 ບ່ວງແກງ
• ນ້ຳ 1 ລິດ

ວິທີເຮັດ

1. ຄ້າງໝໍ້ຕົ້ມນ້ຳ ໃສ່ ຫົວສີໄຄ + ຂ່າ + ຫົວບົ່ວແດງ+ເກືອ+ແປ້ງນົວ.

2. ພໍໝໍ້ຟົດ ເອົາຕີນໄກ່ລົງ ຕົ້ມໄປ ປະມານ 30 ນາທີ ຫລືສັງເກດຈົນກວ່າຕີນມັນເປື່ອຍພໍດີມັກ.

3. ຕື່ມນ້ຳປາ+ນ້ຳໝາກຂາມປຽກ . ຊີມລົດຊາດຕາມໃຈ. ແລ້ວຖອກໃສ່ຖ້ວຍ ບີບໝາກນາວໃສ່, ຕຳໝາກເຜັດຂີ້ຫນູໃສ່ ໂຮຍຫນ້າ ພ້ອມດ້ວຍ ຫອມເປ. ເຊີນແຊບ!