15 ຄົນ · ປານກາງ · 40 ນາທີ · ₭ ຖືກ

ເຂົ້າໜົມແໜບ ເຮັດຈາກ ເຂົ້າໜຽວ ແລະ ໝາກພ້າວຫ້າວ! ເຂົ້າໜົມແໜບ ເປັນ ຂອງຫວານຊັ້ນເລີດ ອັນໜຶ່ງ ຂອງລາວ. ມື້ນີ້ຊິມາບອກ ວິທີການຫໍ່ ພ້ອມ.

ສູດຈາກ FB Saeng Douangdara, YT Lao Food at Saeng’s Kitchen

ວິດິໂອ

ເຄື່ອງປຸງ

ສ່ວນປະກອບໄສ້

• ໝາກພ້າວຂູດ 225 ກຣາມ
• ນ້ຳຕານແດງ 100 ກຣາມ
• ນ້ຳຕານ 50 ກຣາມ
• ເກືອ ¼ ບ່ວງກາເຟ

ສ່ວນ ປະສົມແປ້ງ

• ແປ້ງເຂົ້າໜຽວ 225 ກຣາມ
• ແປ້ງເຂົ້າຈ້າວ 85 ກຣາມ
• ນ້ຳຕານ 50 ກຣາມ
• ກະທິໝາກພ້າວ 120 ມິນລີລິດ
• ນ້ຳ 120 ມິນລີລິດ

ໃບຕອງ

• ໃບຕອງ 450 ກຣາມ, 15 ຫາ 20 ໃບ
• ສະເປ ນ້ຳມັນໝາກພ້າວ

ວິທີເຮັດ

- ໃບຕອງ

1. ຕັດໃບຕອງ ອອກຈາກກ້ານ. ແລ້ວຕັດ ທັງ ສີ່ແຈຂອງໃບ ເປັນ ຮູບວົງມົນ ໃຫຍ່ໃບ ໜຶ່ງ. ແລະ ວົງມົນໃບນ້ອຍ ໃບໜຶ່ງ, ເພາະເວລາ ຫໍ່ ຈະໃຊ້ ຊ້ອນກ້ອນ.

2. ລ້າງ ແລະ ເຊັດໃບຕອງ ໃຫ້ສະອາດ ( ຖ້າໃຜຢູ່ ຕ່າງປະເທດ ໃຊ້ ໃບຕອງແຊ່ແຂງ ໃຫ້ ເຮັດຄືກັນ)

3. ເອົາໄປລົນໄຟ ໃຫ້ອ່ອນ.

- ສ່ວນຂອງໄສ້ເຂົ້າໜົມ

1. ຄ້າງໝໍ້ກະທະ, ຂົ້ວໝາກພ້າວຂູດ ດ້ວຍໄຟ ອ່ອນໆ (ບໍ່ໃສ່ ນ້ຳມັນ) ຂົ້ວໄປ ປະມານ 1-2 ນາທີ ຈົນມັນເລີ່ມ ຫອມຂຶ້້ນມາ.

2. ໃສ່ ນ້ຳຕານ ແດງ, ນ້ຳຕານຊາຍຂາວ ແລະ ເກືອ ໜ້ອຍ ໜຶ່ງ.

3. ເລັ່ງໄຟ ຂຶ້້ນປານກາງ ແລ້ວ ຂົ້ວ ຈົນ ນ້ຳຕານເປື່ອຍ ຈົນເຂົ້າກັນດີ ກັບໝາກພ້າວ ປະມານ 6-8 ນາທີ.

4. ເອົາອອກຈາກໝໍ້ ແລ້ວ ປະໄວ້ ຕູ້ເຢັນ ປະມານ15 ນາທີ.

5. ທານ້ຳມັນ ໃສ່ມື ແລ້ວ ປັ້ນ ເຮັດແປ້ງ ເຂົ້າໜົມ ຍັດໄສ້ ໝາກພ້າວໃສ່ ແລ້ວ ອັດໄວ້ ເຮັດເປັນກ້ອນ ມົນໆ.

- ສ່ວນປະສົມແປ້ງ

1. ເອົາຊາມໃຫຍ່ມາ, ໃສ່ ແປ້ງເຂົ້າໜຽວ, ແປ້ງເຂົ້າຈ້າວ, ນ້ຳຕານຊາຍ, ແລ້ວຕີເຂົ້າກັນ.

2. ໃສ່ ກະທິ ໝາກພ້າວ ແລະ ນ້ຳ.

3. ນວດ ຈົນ ເຂົ້າກັນ ເປັນເນື້ອ ດຽວກັນ.

- ວິທີຫໍ່

1. ປັ້ນ ແປ້ງ ກ້ອນ ໜຶ່ງ ມາ ປະມານ ໜຶ່ງບ່ວງ ແລ້ວ ບີບ ເປັນ ແປໆ. ຍັດໄສ້ ໃສ່ ແລ້ວ ປິດໄວ້ ລິ້ງ ເປັນກ້ອນມົນໆ.

2.ຈັບຕອງ ມາວາງ ຊ້ອນກັນ 2 ແຜ່ນ (ນ້ອຍທາງເທິງ ໃຫຍ່ທາງລຸ່ມ). ສີດນ້ຳມັນ ຫລື ທາ ໃສ່ຕອງ ເພື່ອບໍ່ໃຫ້ມັນຕິດ.

3. ພັບ ຕອງເປັນຈວຍ ແຫລມ ແລ້ວ ຈຶ່ງ ວາງ ກ້ອນ ເຂົ້າໜົົມລົງ ແລ້ວ ພັບ ( ເບິ່ງຕາມ ຄລິບ ວິດີໂອ)

4. ເອົາໄປໜຶ້ງ 20 ນາທີ. ພ້ອມ ເສີບ ຮ້ອນ ຫລື ເຢັນ ກະແຊບໄດ້.