2 ຄົນ · ງ່າຍ · 50 ນາທີ · ₭ ປານກາງ

ອາຫານພື້ນເມືອງລາວ ຕ້ອງມີປາແດກເປັນສ່ວນປະກອບ. ເອາະຊີ້ນໃສ່ປາແດກ ກະເປັນໜຶ່ງເມນູທີ່ນິຍົມ ເຮັດກະງ່າຍໆ ແລະ ແຊບນົວເລິກ. ບໍ່ເຊື່ອລອງເບິ່ງ ໝົດເຂົ້້າຫລາຍປັ້ນເລີຍລະ.

ເຄື່ອງປຸງ

• ຊີ້ນງົວ 200 ກຣາມ, ຕັດເປັນຕ່ອນລູກເຕົາພໍດີຄຳ
• ໝາກເຂືອປ້ອມ 6 ໜ່ວຍ, ແຕ່ລະໜ່ວຍ ຜ່າ
• ຫອມບົ່ວແດງ 3 ຫົວ
• ກະທຽມສົດ 3 ກີບ
• ຫົວສີໄຄ 1 ກ້ານ
• ໃບຂີ້ຫູດ 6 ໃບ, ສັບລະອຽດ
• ຫອມບົ່ວໃບ 2 ກ້ານ, ຊອຍບາງ
• ຫອມປ້ອມຊອຍ 1 ບ່ວງແກງ
• ເກືອ ½ ບ່ວງແກງ
• ປາແດກ 1 ບ່ວງແກງ
• ນ້ຳ 1.5 ຖ້ວຍນ້ອຍ

ວິທີເຮັດ

1. ຂົ້ວຫອມບົ່ວ+ກະທຽມ+ຫົວສີໄຄ ໃສ່ ນ້ຳມັນໃຫ້ພໍຫອມແລ້ວເອົາ ຊີ້ນລົງຂົ້ວໃຫ້ເຂົ້າກັນ, ໃສ່ໃບຂີ້ຫູດ. ໃສ່ເກືອຫນ້ອຍຫນຶ່ງ ແລ້ວ ເອົາໝາກເຂືອລົງ, ຕາມດ້ວຍ ປາແດກ ແລະ. ຂົ້ວ ຈົນເກືອບແຫ້ງ ໃຫ້ໃສ່ນ້ຳລົງໄປ ພໍຖ້ວມຊີ້ນ. ຜ່ອນໄຟລົງ ປິດຝາ ປ່ອຍໃຫ້ຟົດປະມານ 30 ນາທີ.

2. ເອົາຊີ້ນແລະໝາກເຂືອ ອອກມາຕຳໃສ່ຄົກ ໃຫ້ພໍແຕກ ແລ້ວ ເອົາຫອມບົ່ວ+ຫອມປ້ອມ ໃສ່ ຄົນເບົາໆ ແລະ ຊີມລົດຊາດ. ຕັກໃສ່ຈານ ແລະ ໂຮຍດ້ວຍຫອມອີກເທື່ອຫນຶ່ງ. ເສີບກິນກັບ ເຂົ້້າຈ້າວ ຫລື ເຂົ້າຫນຽວ ກະແຊບ.