2 ຄົນ · ປານກາງ · 60 ນາທີ · ₭ ປານກາງ

ເມນູ ໄກ່ ໄກ່ ໄກ່ .... ບໍ່ຄິດຢາກປີ້ງ, ບໍ່່ຄິດຢາກ ແກງ, ເລີຍ ເອົາມາເອາະ ຊະເລີຍ. ເອາະໄກ່ ເມນູພື້ນບ້ານ ລາວໆ ແຊບໆ. ບໍເວົ້າຫລາຍ ມາເບິ່ງວີທີ ແລະ ຂັ້ນຕອນການເຮັດເລີຍ.

ເຄື່ອງປຸງ

• ໄກ່ 500 ກຣາມ
• ໝາກເຂືອປ້ອມ 5 ໜ່ວຍ, ຫນ່ວຍ
• ຖົ່ວຍາວ 5 ໜ່ວຍ, ຫນ່ວຍ
• ຫມາກແຄ້ງ 1 ມັດ
• ເຜັດດິບ 4 ໜ່ວຍ
• ຫອມບົ່ວແດງ 4 ຫົວ
• ຫົວສີໄຄ 2 ກ້ານ
• ຫອມບົ່ວໃບ 4 ກ້ານ
• ຜັກຊີສົດ 1 ມັດ
• ປາແດກ 4 ບ່ວງແກງ
• ເກືອ 1 ບ່ວງກາເຟ

ວິທີເຮັດ

ຂັ້ນຕອນ1: ຕັດຕ່ອນໄກ່ປະມານພໍດີຄຳ

ຂັ້ນຕອນ2: ຕຳຫົວບົ່ວແດງ, ຫມາກເຜັດດິບ, ຈົນແຫລກ ໃຫ້ໃສ່ເກືອ

ຂັ້ນຕອນ3: ຂົ້ວເຄື່ອງຕຳໃສ່ນ້ຳມັນ ແລະ ຫົວສີໄຄທຸບ ຂົ້ວໃຫ້ ພໍຫອມໃຫ້ເອົາໄກ່ລົງ, ຂົ້ວໃຫ້ ໄກ່ເຫລືອງຫອມ ແລ້ວໃສ່ປາແດກ ຂົ້ວຕໍ່ຈົນຫອມ ແລ້ວ ໃສ່ນ້ຳໃຫ້ພໍດີຖ້ວມໄກ່.

ຂັ້ນຕອນ 4: ເອົາຫມາກເຂືອ, ຫມາກແຄ້ງລົງ ຕົ້ມຈົນອ່ອນ. ແລະ ຕາມດ້ວຍ ຫມາກຖົ່ວຍາວ ຕົ້ມຕໍ່່ປະມານ 5 ນາທີ ໃຫ້ ເອົາຫອມຊອຍລົງ. ປິດໄຟ.ຊີມລົດຊາດ ພ້ອມເສີບ ກິນກັບ ເຂົ້້າຫນຽວ ຫລືເຂົ້າຈ້າວ. ແຊບ!

ເຄັດລັບ: ຫອມຊອຍຈະມີສີສັນຂຽວງາມ ໃຫ້ໃສ່ກ່ອນປົງ ແລະ ຫ້າມປິດຝາຫມໍ້.