4 ຄົນ · ງ່າຍ · 30 ນາທີ · ₭ ຖືກ

ມື້ນີ້​ຢູ່ຊື່ໆກະຄິດຢາກ ປີ້ງ​ຫມູ​ ທີ່ແມ່ຕູ້ເຄີຍເຮັດໃຫ້ກິິນຕອນແຕ່ກີ້.​ ກະເລີຍລອງເຮັດເບິ່ງ.​ອອກມາ​ແຊບ​ເປະເລີຍ!! ເລີຍເອົາມາ ແຊ ໃຫ້ເຮັດນຳກັນ =)​

ວິດິໂອ

ເຄື່ອງປຸງ

• ຊີ້ນໝູສົດ 500 ກຣາມ, ເລືອກເອົາ​ຊີ້ນຕິດມັນຫນ້ອຍຫນຶ່ງຈຶ່ງແຊບ
• ຫອມບົ່ວແດງ 3 ຫົວ, ປອກແລະຕຳມຸ່ນ
• ກະທຽມ 4 ກີບ, ປອກ​ແລະຕຳມຸ່ນ
• ໃບຂີ້ຫູດ 4 ໃບ, ເອົາກ້ານຕິດໃບອອກແລ້ວຊອຍແລບໆ
• ນ້ຳມັນຫອຍ 1 ບ່ວງແກງ
• ນ້ຳປາ 1 ບ່ວງແກງ
• ນ້ຳຕານປີ໊ບ ½ ບ່ວງແກງ
• ພິກໄທດຳປົ່ນ 1 ບ່ວງກາເຟ

ວິທີເຮັດ

1.ເອືອບຫມູກັບເຄື່ອງປຸງ​ທັງຫມົດ, ນວດໃຫ້ເຄື່ອງຊຶມເຂົ້າເນື້ອດີໆ.​ແລ້ວ​ ປະໄວ້​30​ນາທີ​ກ່ອນປີ້ງ.​

2. ປີ້ງໃສ່ໄຟປານກາງ​(ຖ່ານທີ່ມີຂີ້ເທົ່າປົກຢູ່)​ໃຫ້​ສຸກ​ ​ເຫລືອງ ​ກອບນອກ ນຸ້ມໃນ.​

3. ເອົາມາຊອຍ ກິນກັບເຂົ້າຫນຽວ ແລະ ຕຳຫມາກຖົ່ວ.​ແຊບສຸດ :)​